Marcus 15:45

Am Bìoball Gàidhlig 1992

Agus air dha fios fhaotainn on cheannard-ceud, thug e an corp do Iòseph.

Iomraidhean Croise

Mata 27:58

Chaidh esan gu Pilat, agus dh’iarr e corp Iosa: an sin dh’àithn Pilat an corp a thabhairt dha.

Marcus 15:39

Agus nuair a chunnaic an ceannard-ceud, a bha na sheasamh fa chomhair, gun tug e suas an deò, a’ glaodhaich mar sin, thubhairt e, Gu fìrinneach b’e an duine seo Mac Dhè.

Marcus 15:44

Agus b’ioghnadh le Pilat ma bha e cheana marbh. Agus air dha an ceannard-ceud a ghairm, dh’fhiosraich e dheth, an robh fad o fhuair e bàs.

Marcus 15:46

Agus cheannaich esan lìon-aodach grinn, agus thug e a‑nuas e, agus phaisg e anns an lìon-aodach e, agus chuir e e ann an uaigh a chladhaicheadh à carraig, agus charaich e clach gu doras na h‑uaighe.

Eòin 19:38

Na dhèidh seo, dh’iarr Iòseph o Arimatèa (a bha na dheisciobal aig Iosa, ach am falach air eagal nan Iùdhach) air Pilat comas corp Iosa a thoirt leis: agus leig Pilat sin leis. Thàinig e air an adhbhar sin, agus thug e leis corp Iosa.