Marcus 13:15

Am Bìoball Gàidhlig 1992

Agus na tigeadh esan a tha air mullach an taighe a‑nuas don taigh, agus na rachadh e a‑steach a thoirt nì air bith as a thaigh:

Iomraidhean Croise

Genesis 19:22

Greas ort, teich an siud; oir chan urrainn mi nì air bith a dhèanamh gus an tèid thu an siud. Uime sin thugadh Sòar mar ainm air a’ bhaile.

Genesis 19:26

Ach sheall a bhean na dèidh o a chùlaibh, agus dh’fhàs i na carragh salainn.

Iob 2:4

Agus fhreagair Sàtan an Tighearna, agus thubhairt e, Craiceann airson craicinn, eadhon gach nì a tha aig duine bheir e airson a anama.

Gnàth-fhacal 22:3

Chì an duine crìonna olc, agus falaichidh e e fhèin; ach gabhaidh na daoine baoghalta air an aghaidh, agus fuilingidh iad peanas.

Marcus 13:16

Agus an tì a tha anns a’ mhachair, na tilleadh e air ais a thogail a fhallaing leis.

Gnìomharan 27:38

Agus nuair a shàsaicheadh iad le biadh, dh’aotromaich iad an long, agus thilg iad a‑mach an cruithneachd anns an fhairge.

Eabhraidhich 11:7

Tre chreideamh, air do Nòah rabhadh fhaotainn o Dhia mu thimcheall nithean nach robh idir rim faicinn, agus eagal a ghabhail, dh’ullaich e àirc a‑chum tèarnadh a theaghlaich; tre an do dhìt e an saoghal, agus rinneadh e na oighre air an fhìreantachd a tha a‑thaobh creidimh.