Lùcas 3:2

Am Bìoball Gàidhlig 1992

Nuair a bha Annas agus Caiaphas nan àrd-shagartan, thàinig facal Dhè a‑chum Eòin, mac Shachariais, anns an fhàsach.

Iomraidhean Croise

Isaiah 40:3

Guth an tì a ghlaodhas anns an fhàsach, Ullaichibh slighe an Tighearna; rèitichibh anns an dìthreabh slighe àrd dar Dia-ne.

Ieremiah 1:2

A dh’ionnsaigh an tàinig facal an Tighearna ann an làithean Iosiah mhic Amoin rìgh Iùdah, anns an treas-bliadhna-deug de a rìoghachadh.

Ieremiah 2:1

Thàinig facal an Tighearna mar an ceudna am ionnsaigh, ag ràdh,

Eseciel 1:3

Thàinig facal an Tighearna gu Eseciel an sagart, mac Bhusi, ann an tìr nan Caldèanach, aig uisge Chebair; agus bha làmh an Tighearna air anns an àite sin.

Ionah 1:1

A‑nis thàinig facal an Tighearna gu Ionah mac Amitai, ag ràdh,

Micah 1:1

Facal an Tighearna, a thàinig gu Micah am Morastach, ann an làithean Iotaim, Ahais, agus Heseciah, rìghrean Iùdah; a chunnaic e a‑thaobh Shamaria agus Ierusaleim.

Sephaniah 1:1

Facal an Tighearna a thàinig gu Sephaniah mac Chusi, mhic Ghedaliah, mhic Amariah, mhic Hisciah, ann an làithean Iosiah, mhic Amoin, rìgh Iùdah.

Mata 11:7

Agus air imeachd dhaibhsan air falbh, thòisich Iosa air labhairt ris an t‑sluagh mu thimcheall Eòin, ag ràdh, Ciod e an nì a chaidh sibh a‑mach don fhàsach a dh’fhaicinn? An i cuilc air a crathadh le gaoith?

Mata 26:3

An sin chruinnich uachdarain nan sagart, agus na sgrìobhaichean, agus seanairean a’ phobaill, gu talla an àrd-shagairt, den goirear Caiaphas,

Marcus 1:2

A rèir mar tha e sgrìobhte anns na fàidhean, Feuch, cuiridh mi mo theachdaire rod ghnùis, a dh’ullaicheas do shlighe romhad.

Lùcas 1:80

Agus dh’fhàs an leanabh, agus neartaicheadh ann an spiorad e, agus bha e anns an fhàsach gu là a fhoillseachaidh do Israel.

Eòin 1:23

Thubhairt e, Is mise guth an tì a ghlaodhas anns an fhàsach, Dèanaibh dìreach slighe an Tighearna, mar a thubhairt am fàidh Esaias.

Eòin 18:24

(A‑nis chuir Annas e ceangailte gu Caiaphas an t‑àrd-shagart.)

Gnìomharan 4:6

Agus Annas an t‑àrd-shagart, agus Caiaphas, agus Eòin, agus Alecsander, agus a mheud is a bha de chinneach an àrd-shagairt.