Lùcas 2:24

Am Bìoball Gàidhlig 1992

Agus a thoirt ìobairt a rèir mar a theirear ann an lagh an Tighearna, dà thurtar no dà chalaman òg.

Iomraidhean Croise

Lebhiticus 1:14

Agus mas ann de eunlaith a bhios a thabhartas don Tighearna a‑chum ìobairt-loisgte, an sin bheir e a thabhartas de thurtaran, no de chalamain òga.

Lebhiticus 12:2

Labhair ri cloinn Israeil, ag ràdh, Ma dh’fhàsas bean torrach, agus gum beir i mac, an sin bidh i neòghlan seachd làithean; a rèir làithean a dealachaidh airson a h‑anfhainneachd bidh i neòghlan.

Lebhiticus 5:11

Ach mura urrainn e dà thurtar, no dà chalaman òg a thoirt leis, an sin bheir esan a pheacaich leis, mar a thabhartas, an deicheamh cuid de ephah de fhlùr min, mar thabhartas-peacaidh: cha chuir e ola air, cha mhò a chuireas e tùis air, oir is tabhartas-peacaidh e.

2 Corintianach 8:9

Oir is aithne dhuibh gràs ar Tighearna Iosa Crìosd, ged a bha e saoibhir, gidheadh gun do rinneadh bochd e air ur son-se, a‑chum gum biodh sibhse saoibhir tre a bhochdainn-san.