Lùcas 10:30

Am Bìoball Gàidhlig 1992

Agus fhreagair Iosa, agus thubhairt e, Chaidh duine àraidh sìos o Ierusalem gu Iericho, agus thuit e am measg luchd-reubainn, agus air dhaibh a rùsgadh agus a lotadh, dh’imich iad romhpa, air dhaibh esan fhàgail leth-mharbh.

Iomraidhean Croise

Salm 88:4

Mheasadh mi mar iadsan a thèid sìos don t‑sloc; tha mi mar dhuine gun neart;

Ieremiah 51:52

Uime sin feuch, tha na làithean a’ teachd, deir an Tighearna, anns an dèan mise breitheanas air a dealbhan snaidhte; agus feadh a fearainn uile bidh acain nan daoine leònte.

Tuireadh Ieremiah 2:12

Rim màthraichean tha iad ag ràdh, Càit a bheil arbhar agus fìon? An tràth a tha iad a’ fàilneachadh mar dhaoine leònte ann an sràidean a’ bhaile, an tràth a tha an anam air a dhòrtadh a‑mach ann an uchd am màthar.

Eseciel 30:24

Agus neartaichidh mi gàirdeanan rìgh Bhàbiloin, agus cuiridh mi mo chlaidheamh na làimh: ach brisidh mi gàirdeanan Phàraoh, agus nì e caoirean na fhianais, mar dhuine a tha leònte gu bàs.

Lùcas 10:31

Agus thàrladh gun d’imich sagart àraidh sìos air an t‑slighe sin: agus nuair a chunnaic e e, ghabh e seachad air an taobh eile.

Lùcas 18:31

Agus ghabh e an dà‑fhear-dheug da ionnsaigh, agus thubhairt e riu, Feuch, tha sinn a’ dol suas gu Ierusalem, agus bidh na h‑uile nithean a tha sgrìobhte leis na fàidhean mu Mhac an Duine air an coileanadh.

Lùcas 19:28

Agus air dha seo a ràdh, dh’imich e romhpa, a’ dol suas gu Ierusalem.