Lùcas 1:11

Am Bìoball Gàidhlig 1992

Agus chunnacas leis-san aingeal an Tighearna na sheasamh air taobh deas altair na tùise.

Iomraidhean Croise

Lebhiticus 16:13

Agus cuiridh e an tùis air an teine an làthair an Tighearna, a‑chum gun còmhdaich neul na tùise a’ chathair-thròcair, a tha air an Fhianais, agus nach faigh e bàs.

Lùcas 1:19

Agus fhreagair an t‑aingeal agus thubhairt e ris, Is mise Gabriel a sheasas an làthair Dhè; agus chuireadh mi a labhairt riutsa, agus a dh’innse na naidheachd mhaith seo dhut.

Lùcas 1:28

Agus air dol a‑steach don aingeal da h‑ionnsaigh, thubhairt e, Fàilte dhut, O thusa don do nochdadh mòr dheagh-ghean tha an Tighearna maille riut: is beannaichte thu am measg bhan.

Lùcas 2:10

Agus thubhairt an t‑aingeal riu, Na biodh eagal oirbh: oir feuch, tha mi ag innse dhuibh deagh sgeul mòr-aoibhneis, a bhios don uile shluagh:

Lùcas 2:9

Agus, feuch, thàinig aingeal an Tighearna orra, agus dhealraich glòir an Tighearna mun timcheall; agus ghabh iad eagal mòr.

Gnìomharan 5:19

Ach dh’fhosgail aingeal an Tighearna dorsan a’ phrìosain anns an oidhche, agus thug e iadsan a‑mach, agus thubhairt e,

Eabhraidhich 1:14

Nach spioradan-frithealaidh iad uile, air an cur a‑mach a‑chum frithealaidh dhaibhsan a bhios nan oighreachan air slàinte?

Taisbeanadh 9:13

Agus shèid an siathamh aingeal a thrompaid, agus chuala mi guth o cheithir adhaircean na h‑altair òir, a tha am fianais Dhè,

Britheamhan 13:3

Agus dh’fhoillsich aingeal an Tighearna e fhèin don mhnaoi, agus thubhairt e rithe, Feuch a‑nis, tha thu aimrid, agus cha do rug thu fhathast clann: ach fàsaidh tu torrach, agus beiridh tu mac.

Britheamhan 13:9

Agus dh’èisd Dia ri guth Mhanòah; agus thàinig aingeal Dhè a‑rìs a dh’ionnsaigh na mnà, agus i na suidhe anns an achadh: ach cha robh Manòah a fear maille rithe.