Iosua 8:12

Am Bìoball Gàidhlig 1992

Agus ghabh e mu thimcheall còig mìle fear agus chuir e iad a dhèanamh feall-fhalaich eadar Betel agus Ai, air an taobh an iar den bhaile.

Iomraidhean Croise

Genesis 12:8

Agus chaidh e as a sin gu sliabh air an taobh an ear de Bhetel, agus shuidhich e a bhùth, agus Betel aige air an taobh an iar, agus Hai air an taobh an ear: agus thog e an sin altair don Tighearna, agus ghairm e air ainm an Tighearna.

Genesis 28:19

Agus thug e Betel mar ainm air an àite sin: ach b’e Luds ainm a’ bhaile sin air tùs.

Iosua 8:11

Agus chaidh an sluagh-cogaidh uile suas, a bha maille ris, agus chaidh iad am fagas, agus thàinig iad fa chomhair a’ bhaile, agus champaich iad air an taobh mu thuath de Ai: a‑nis bha gleann eadar iad agus Ai.

Iosua 8:13

Agus nuair a shuidhich iad an sluagh, eadhon am feachd uile a bha air an taobh mu thuath den bhaile, agus an luchd feall-fhalaich air an taobh an iar den bhaile, chaidh Iosua anns an oidhche sin do mheadhon a’ ghlinne.

Britheamhan 1:22

Agus chaidh taigh Iòseiph mar an ceudna suas an aghaidh Bheteil: agus bha an Tighearna maille riu.

1 Samuel 15:5

Agus thàinig Saul gu baile le Amalec, agus rinn e feall-fhalach anns a’ ghleann.