Iosua 24:28

Am Bìoball Gàidhlig 1992

Agus leig Iosua leis an t‑sluagh imeachd, gach duine da oighreachd fhèin.

Iomraidhean Croise

Nehemiah 11:20

Agus bha a’ chuid eile de Israel, na sagartan, agus na Lèbhithich, ann an uile bhailtean Iùdah, gach fear na sheilbh fhèin.

Àireamh 36:7

Mar sin chan atharraich oighreachd chloinn Israeil o threubh gu treubh: oir dlùth-leanaidh gach duine de chloinn Israeil ri oighreachd treubh a athraichean.

Àireamh 36:9

Cha mhò a dh’atharraicheas an oighreachd o aon treubh gu treubh eile; ach dlùth-leanaidh gach duine de threubhan chloinn Israeil ra oighreachd fhèin.

Iosua 22:6

Mar sin bheannaich Iosua iad, agus chuir e air falbh iad: agus chaidh iad dam pàilleanan.

Iosua 24:27

Agus thubhairt Iosua ris an t‑sluagh uile, Feuch, bidh a’ chlach seo na fianais dhuinn; oir chuala i uile bhriathran an Tighearna a labhair e rinn: bidh i uime sin na fianais nur n‑aghaidh-se, air eagal gun àicheadh sibh ur Dia.

Iosua 24:29

Agus an dèidh nan nithean sin, fhuair Iosua mac Nuin, òglach an Tighearna, bàs, agus e ceud agus deich bliadhna a dh’aois.

Britheamhan 2:6

Agus nuair a leig Iosua leis an t‑sluagh imeachd, chaidh clann Israeil, gach duine da oighreachd, a ghabhail seilbh air an fhearann.