Iosua 24:12

Am Bìoball Gàidhlig 1992

Agus chuir mi a’ chonnsbeach romhaibh, a dh’fhuadaich iad a‑mach as ur fianais eadhon dà rìgh nan Amorach; ach chan ann led chlaidheamh, no led bhogha.

Iomraidhean Croise

Salm 135:11

Sihon rìgh nan Amorach, agus Og rìgh Bhasain, agus uile rìoghachdan Chanàain,

Salm 80:10

Chòmhdaicheadh beanntan le a sgàil, agus le a geugan seudair àrda.

Salm 80:9

Rèitich thu àite fa comhair, agus thug thu oirre freumhachadh gu daingeann, agus lìon i an tìr.

Ecsodus 23:28

Agus cuiridh mise ceàrnabhain romhad, agus fògraidh iad a‑mach an t‑Hibheach, an Canàanach, agus an t‑Hiteach, as do làthair.

Ecsodus 23:31

Agus suidhichidh mi do chrìochan on mhuir ruaidh eadhon gu ruig fairge nam Philisteach, agus on fhàsach gu ruig an abhainn: oir bheir mi thairis nur làimh luchd-àiteachaidh na tìre; agus tilgidh tu a‑mach iad as do làthair.

Àireamh 21:31

Mar seo ghabh Israel còmhnaidh ann am fearann nan Amorach.

Àireamh 21:32

Agus chuir Maois daoine uaithe a ghabhail beachd air Iaser, agus ghlac iad a bhailtean, agus dh’fhògair iad a‑mach na h‑Amoraich a bha an sin.

Deuteronomi 31:4

Agus nì an Tighearna riu mar a rinn e ri Sihon, agus ri Og, rìghrean nan Amorach, agus ri fearann na muinntir sin a sgrios e.

Deuteronomi 4:46

Air an taobh seo de Iòrdan anns a’ ghleann thall fa chomhair Bhet-peoir, ann am fearann Shihoin rìgh nan Amorach, a bha a chòmhnaidh ann an Hesbon, a bhuail Maois agus clann Israeil, an dèidh dhaibh teachd a‑mach as an Eiphit:

Deuteronomi 4:47

Agus shealbhaich iad a fhearann, agus fearann Og rìgh Bhasain, dà rìgh nan Amorach, a bha air an taobh seo de Iòrdan, leth ri èirigh na grèine;

Deuteronomi 7:20

Os bàrr, cuiridh an Tighearna do Dhia a’ chonnspeach nam measg, gus am bi iadsan a dh’fhàgar, agus a dh’fhalaicheas iad fhèin od ghnùis, air an sgrios.

Iosua 2:10

Oir chuala sinne cionnas a thiormaich an Tighearna suas uisge na mara ruaidhe romhaibh, nuair a thàinig sibh a‑mach as an Eiphit; agus ciod a rinn sibh air dà rìgh nan Amorach, a bha air an taobh eile de Iòrdan, Sihon agus Og, a sgrios sibh gu tur.