Iosua 21:43

Am Bìoball Gàidhlig 1992

Agus thug an Tighearna do Israel am fearann uile a mhionnaich e a thoirt dan athraichean; agus shealbhaich iad e, agus ghabh iad còmhnaidh ann.

Iomraidhean Croise

Genesis 12:7

Agus dh’fhoillsich an Tighearna e fhèin do Abram, agus thubhairt e, Dod shliochd-sa bheir mise am fearann seo: agus thog e an sin altair don Tighearna, a dh’fhoillsicheadh dha.

Genesis 13:15

Oir am fearann uile a tha thu a’ faicinn, dhutsa bheir mi e, agus dod shliochd gu bràth.

Genesis 28:4

Agus gun tugadh e dhut beannachadh Abrahàim, dhutsa agus dod shliochd maille riut; a‑chum gun sealbhaich thu am fearann anns a bheil thu ad choigreach, a thug Dia do Abrahàm.

2 Eachdraidh 20:8

Agus ghabh iad còmhnaidh innte, agus thog iad air do shon-sa innte ionad naomh, airson d’ainme-sa, ag ràdh,

Nehemiah 9:24

Agus chaidh an clann a‑steach, agus shealbhaich iad an tìr, agus chìosnaich thu romhpa luchd-àiteachaidh na tìre, na Canàanaich, agus thug thu thairis nan làimh iad fhèin agus an rìghrean, agus sluagh na tìre, a dhèanamh riu mar a bu mhiann leo.

Nehemiah 9:8

Agus fhuair thu a chridhe fìrinneach ad fhianais, agus rinn thu coicheangal ris gun tugadh tu tìr nan Canàanach, nan Hiteach, nan Amorach, agus nam Peridseach, agus nan Iebusach, agus nan Girgasach, gun tugadh tu seo da shliochd; agus choilean thu do bhriathran, oir tha thu ceart:

Salm 105:8

Chuimhnich e gu sìorraidh a choicheangal-san, am facal a dh’òrdaich e do mhìle ginealach;

Salm 44:3

Oir chan ann len claidheamh fhèin a fhuair iad sealbh anns an tìr, agus chan e an gàirdean fhèin a shaor iad, ach do dheaslàmh agus do ghàirdean-sa agus solas do ghnùise, a chionn gu robh deagh-ghean agad dhaibh.

Salm 78:55

Agus a thilg e a‑mach na cinnich romhpa, agus a roinn e oighreachd dhaibh le crannchur, agus a thug e air treubhan Israeil còmhnaidh a ghabhail nam pàilleanan-san.

Ecsodus 3:8

Agus thàinig mi a‑nuas gan saoradh à làimh nan Eiphiteach, agus gan toirt suas a‑mach as an fhearann sin, gu fearann math agus farsaing, gu fearann a tha a’ sruthadh le bainne agus le mil; gu àite nan Canàanach, agus nan Hiteach, agus nan Amorach, agus nam Peridseach, agus nan Hibheach, agus nan Iebusach.

Ieremiah 32:23

Agus thàinig iad a‑steach, agus shealbhaich iad e; ach cha tug iad gèill dod ghuth-sa, cha mhò a ghluais iad ann ad reachd; cha do rinn iad nì sam bith de na h‑uile nithean a dh’àithn thusa dhaibh a dhèanamh; uime sin thug thu an t‑olc seo uile orra.

Àireamh 33:53

Agus cuiridh sibh à seilbh luchd-àiteachaidh an fhearainn, agus nì sibh còmhnaidh ann: oir thug mise dhuibh am fearann ra shealbhachadh.

Àireamh 34:2

Aithn do chloinn Israeil, agus abair riu, Nuair a thig sibh do thalamh Chanàain (is e seo am fearann a thuiteas oirbh mar oighreachd, eadhon fearann Chanàain maille ra chrìochan),

Deuteronomi 11:31

Oir thèid sibh thar Iòrdan, a dhol a‑steach a shealbhachadh an fhearainn a tha an Tighearna ur Dia a’ toirt dhuibh, agus sealbhaichidh sibh e, agus gabhaidh sibh còmhnaidh ann.

Deuteronomi 12:29

Nuair a ghearras an Tighearna do Dhia as na cinnich romhad, a tha thu a’ dol a‑steach an siud a‑chum an sealbhachadh, agus a thig thu nan àite, agus a ghabhas tu còmhnaidh nam fearann;

Deuteronomi 17:14

Nuair a thig thu a‑chum an fhearainn a bheir an Tighearna do Dhia dhut, agus a shealbhaicheas tu e, agus a ghabhas tu còmhnaidh ann, agus a their thu, Cuiridh mi rìgh os mo chionn, mar na cinnich uile a tha mun cuairt orm:

Deuteronomi 34:4

Agus thubhairt an Tighearna ris, Is e seo am fearann a mhionnaich mi do Abrahàm, do Isaac, agus do Iàcob, ag ràdh, Dod shliochd-sa bheir mi e: thug mi ortsa a fhaicinn led shùilean, ach da ionnsaigh cha tèid thu thairis.

Iosua 1:6

Bi làidir, agus ro‑mhisneachail; oir don t‑sluagh seo roinnidh tu mar oighreachd an tìr a mhionnaich mi dan athraichean a thabhairt dhaibh.

Iosua 21:42

Bha na bailtean sin gach aon lem fearann co‑roinn man timcheall: mar seo bha na bailtean sin uile.

Britheamhan 11:24

An nì sin a bheir do dhia Chemos dhut ra shealbhachadh, nach sealbhaich thusa e? Agus ge bè neach a thilg an Tighearna ar Dia-ne a‑mach romhainn, na sheilbh-san thèid sinne.

1 Samuel 12:8

Nuair a thàinig Iàcob a‑steach don Eiphit, agus a ghlaodh ur n‑athraichean ris an Tighearna, an sin chuir an Tighearna dan ionnsaigh Maois agus Aaron, a thug ur n‑athraichean a‑mach as an Eiphit, agus a thug orra còmhnaidh a ghabhail anns an àite seo.