Iosua 21:10

Am Bìoball Gàidhlig 1992

A bha aig cloinn Aaroin de theaghlaichean nan Cohatach, muinntir a bha de chloinn Lèbhi: (oir bu leòsan an ciad chrannchur).

Iomraidhean Croise

1 Eachdraidh 6:54

Agus is iad seo an àiteachan-còmhnaidh, air feadh an lùchairtean nan crìochan, de mhic Aaroin, de theaghlaichean nan Cohatach; oir bu leòsan an crannchur.

Ecsodus 6:18

Agus mic Chohait: Amram, agus Idshar, agus Hebron, agus Udsiel: agus b’iad bliadhnachan beatha Chohait ceud agus trì-bliadhna-deug ar fhichead.

Àireamh 3:19

Agus mic Chohait a rèir an teaghlaichean: Amram, agus Idsar, Hebron, agus Udsiel.

Àireamh 3:27

Agus o Chohat bha teaghlach nan Amramach, agus teaghlach nan Idseharach, agus teaghlach nan Hebronach, agus teaghlach nan Udsielach: is iad sin teaghlaichean nan Cohatach.

Àireamh 4:2

Gabh àireamh mic Chohait o mheasg mic Lèbhi, a rèir an teaghlaichean, a rèir taigh an athraichean:

Iosua 21:11

Agus thug iad dhaibh mòr-bhaile Arba, athair Anaic (eadhon Hebron) ann an sliabh Iùdah, maille ra fhearann co‑roinn mun cuairt air.

Iosua 21:4

Agus thàinig an crannchur a‑mach airson teaghlaichean nan Cohatach; agus bha aig cloinn Aaroin, an sagart, a bha de na Lèbhitich, le crannchur à treubh Iùdah, agus à treubh Shimeoin, agus à treubh Bheniàmin, trì-bailtean-deug.

Iosua 21:9

Agus thug iad a‑mach à treubh chloinn Iùdah, agus à treubh chloinn Shimeoin, na bailtean seo a tha air an ainmeachadh,