Iosua 20:8

Am Bìoball Gàidhlig 1992

Agus air taobh eile Iòrdain, làimh ri Iericho air an làimh an ear, shònraich iad Beser anns an fhàsach air a’ chòmhnard à treubh Reubein, agus Ramot ann an Gilead à treubh Ghad, agus Golan ann am Basan à treubh Mhanaseh.

Iomraidhean Croise

1 Rìgh 22:6

Uime sin chruinnich rìgh Israeil na fàidhean an ceann a chèile, mu thimcheall ceithir cheud fear, agus thubhairt e riu, An tèid mi an aghaidh Ramot-gilead gu cath, no an leig mi leis? Agus thubhairt iadsan, Falbh suas, oir bheir an Tighearna an làimh an rìgh e.

2 Rìgh 8:28

Agus chaidh e maille ri Ioram mac Ahaib gu cogadh an aghaidh Hasaeil rìgh Shiria ann an Ramot-gilead; agus lot na Sirianaich Ioram.

1 Eachdraidh 6:78

Agus air taobh thall Iòrdain làimh ri Iericho, air an taobh an ear de Iòrdan thugadh dhaibh o threubh Reubein Beser anns an fhàsach le a fhearann co‑roinn, agus Iahsah le a fhearann co‑roinn,

1 Eachdraidh 6:80

Agus o threubh Ghad; Ramot ann an Gilead le a fhearann co‑roinn, agus Mahanaim le a fhearann co‑roinn,

Deuteronomi 3:10

Bailtean a’ chòmhnaird uile, agus Gilead uile, agus Basan uile, gu Salcha agus Edrei, bailtean rìoghachd Og ann am Basan:

Deuteronomi 4:43

Eadhon Beser anns an fhàsach, ann an dùthaich a’ chòmhnaird, de na Reubenich; agus Ramot ann an Gilead, de na Gadaich; agus Golan ann am Basan, de na Manasaich.

Iosua 20:7

Agus chuir iad air leth Cedes ann an Galilee ann an sliabh Naphtali, agus Sechem ann an sliabh Ephraim, agus Ciriat-arba (eadhon Hebron), ann an sliabh Iùdah.

Iosua 20:9

B’iad sin na bailtean a shònraicheadh airson chloinn Israeil uile, agus airson a’ choigrich a tha air chuairt nam measg, a‑chum ge bè a mharbhadh neach ann an aineolas, gun teicheadh e an sin, agus nach bàsaicheadh e le làimh dìoghaltair na fala, gus an seasadh e an làthair a’ cho-chruinneachaidh.

Iosua 21:27

Agus do chloinn Ghersoin de theaghlaichean nan Lèbhitheach, à leth eile treubh Mhanaseh, thug iad Golan ann am Basan le a fhearann co‑roinn, gu bhith na bhaile dìdein don mharbhaiche, agus Bees-tèrah, le a fhearann co‑roinn: dà bhaile.

Iosua 21:36

Agus à treubh Reubein, Beser le a fhearann co‑roinn, agus Iahasah le a fhearann co‑roinn,

Iosua 21:38

Agus à treubh Ghad, Ramot ann an Gilead le a fhearann co‑roinn, gu bhith na bhaile dìdein don mharbhaiche; agus Mahanaim le a fhearann co‑roinn,