Iosua 15:9

Am Bìoball Gàidhlig 1992

Agus thàirngeadh a’ chrìoch o mhullach an t‑slèibh gu tobar uisge Nephtoah, agus chaidh i a‑mach gu bailtean sliabh Ephroin, agus thàirngeadh a’ chrìoch gu Bàalah; (is e sin Ciriat-iearim.)

Iomraidhean Croise

2 Samuel 6:2

Agus dh’èirich Daibhidh, agus chaidh e, agus an sluagh uile a bha maille ris, o Bhàal Iùdah, a thabhairt suas à sin àirc Dhè, air an gairmear ainm Tighearna nan sluagh, a ghabhas còmhnaidh eadar na ceruban.

1 Eachdraidh 13:6

Agus chaidh Daibhidh suas, agus Israel uile do Bhàalah, eadhon gu Ciriat-iearim a bhuineadh do Iùdah, a thabhairt leo as a sin àirc Dhè an Tighearna, a tha a chòmhnaidh eadar na ceruban, air an gairmear a ainm.

Iosua 15:29

Bàalah, agus Iim, agus Asem,

Iosua 15:60

Ciriat-bàal (is e sin Ciriat-iearim), agus Rabah: dà bhaile mhòr lem bailtean beaga.

Iosua 18:15

Agus bha a’ cheàrn mu dheas o cheann Chiriat-iearim, agus chaidh a’ chrìoch a‑mach air an làimh an iar, agus ghabh i a‑mach gu tobar uisgeachan Nephtoah.

Iosua 9:17

Agus chaidh clann Israeil air an aghaidh, agus thàinig iad a dh’ionnsaigh am bailtean air an treas là: a‑nis b’iad am bailtean Gibeon, agus Chephirah, agus Beerot, agus Ciriat-iearim.

Britheamhan 18:12

Agus chaidh iad suas, agus champaich iad ann an Ciriat-iearim, ann an Iùdah: uime sin thugadh Mahaneh-dan mar ainm air an àite sin gu ruig an là‑an‑diugh; feuch, tha e air cùlaibh Chiriat-iearim.

1 Samuel 6:21

Agus chuir iad teachdairean a dh’ionnsaigh luchd-àiteachaidh Chiriat-iearim, ag ràdh, Thug na Philistich air a h‑ais àirc an Tighearna; thigibh a‑nuas, thugaibh suas i dur n‑ionnsaigh.