Iosua 12:1

Am Bìoball Gàidhlig 1992

A‑nis is iad seo rìghrean an fhearainn a bhuail clann Israeil; agus shealbhaich iad am fearann air taobh eile Iòrdain leth ri èirigh na grèine, o shruth Arnoin gu sliabh Hermoin, agus an còmhnard uile air an làimh an ear:

Iomraidhean Croise

1 Rìgh 4:19

Geber mac Uri ann an tìr Ghilead, ann an tìr Shihoin rìgh nan Amorach, agus Og rìgh Bhasain; agus b’esan an t‑aon fhear-dreuchd a bha anns an tìr.

Salm 133:3

Mar dhealt air Hermon, a thuiteas air slèibhtean Shioin; oir an sin dh’àithn an Tighearna am beannachadh, beatha gu sìorraidh.

Salm 136:21

Agus a thug am fearann mar oighreachd, oir gu bràth mairidh a thròcair;

Salm 89:12

Chruthaich thusa an àird a tuath agus an àird a deas; nì Tabor agus Hermon gàirdeachas ann ad ainm.

Isaiah 16:2

Oir mar eunlaith sheachranach, air am fògradh on nead, mar sin bidh nigheanan Mhòaib aig àthan Arnoin.

Àireamh 21:13

O sin dh’imich iad, agus champaich iad air an taobh eile de Arnon, a tha anns an fhàsach a tha a’ teachd a‑mach à crìochan nan Amorach: oir is e Arnon crìoch Mhòaib, eadar Mòab agus na h‑Amoraich.

Àireamh 21:21

Agus chuir Israel teachdairean gu Sihon, rìgh nan Amorach, ag ràdh,

Àireamh 21:24

Agus bhuail Israel e le faobhar a’ chlaidheimh, agus ghabh e sealbh air a fhearann o Arnon gu Iaboc, eadhon gu cloinn Amoin: oir bha crìoch chloinn Amoin làidir.

Àireamh 32:19

Oir cha sealbhaich sinne maille riùsan an taobh eile de Iòrdan, no thall o sin; a chionn gun do thuit ar n‑oighreachd dhuinne air an taobh seo de Iòrdan a làimh na h‑àird an ear.

Àireamh 32:32

Thèid sinn a‑null armaichte ron Tighearna do thìr Chanàain, a‑chum is gum bi sealbh ar n‑oighreachd againn air an taobh seo de Iòrdan.

Àireamh 32:33

Agus thug Maois dhaibh, eadhon do chloinn Ghad, agus do chloinn Reubein, agus do leth-threubh Mhanaseh mhic Iòseiph, rìoghachd Shihoin rìgh nan Amorach, agus rìoghachd Og rìgh Bhasain, an tìr maille ra bailtean anns na crìochan, eadhon bailtean na dùthcha mun cuairt.

Deuteronomi 2:24

Eiribh suas, gabhaibh ur turas, agus rachaibh thar sruth Arnoin: feuch, thug mi dod làimh Sihon an t‑Amorach, rìgh Hesboin, agus a fhearann: tòisich air a shealbhachadh, agus dèan strì ris ann an cath.

Deuteronomi 2:32

An sin thàinig Sihon a‑mach nar n‑aghaidh, e fhèin agus a shluagh uile, a chogadh aig Iahas.

Deuteronomi 3:1

An sin thill sinn, agus chaidh sinn suas air an t‑slighe gu Basan; agus thàinig Og rìgh Bhasain a‑mach nar n‑aghaidh, e fhèin agus a shluagh uile, gu cath aig Edrei.

Deuteronomi 4:44

Agus is e seo an lagh a chuir Maois ro chloinn Israeil.

Deuteronomi 4:46

Air an taobh seo de Iòrdan anns a’ ghleann thall fa chomhair Bhet-peoir, ann am fearann Shihoin rìgh nan Amorach, a bha a chòmhnaidh ann an Hesbon, a bhuail Maois agus clann Israeil, an dèidh dhaibh teachd a‑mach as an Eiphit:

Deuteronomi 4:48

O Aroer, a tha làimh ri bruaich sruth Arnoin, eadhon gu sliabh Shihoin, as e Hermon;

Iosua 1:15

Gus an toir an Tighearna fois dur bràithrean, mar a thug e dhuibhse, agus gun sealbhaich iadsan mar an ceudna an tìr a tha an Tighearna ur Dia a’ tabhairt dhaibh: an sin tillidh sibh gu tìr ur seilbhe, agus sealbhaichidh sibh i, eadhon an tìr a thug Maois, òglach an Tighearna, dhuibh air an taobh seo de Iòrdan, leth ri èirigh na grèine.

Iosua 11:17

O shliabh Halaic, a tha a’ dol suas gu Seir, eadhon gu Bàal-gad ann an gleann Lebanoin, fo shliabh Hermoin: agus an rìghrean uile ghlac e, agus bhuail e iad, agus mharbh e iad.

Iosua 11:3

Agus a dh’ionnsaigh a’ Chanàanaich air an làimh an ear agus an làimh an iar, agus a dh’ionnsaigh an Amoraich agus an Hitich, agus a’ Pheridsich, agus an Iebusaich anns na beanntan, agus a dh’ionnsaigh an Hibhich fo Hermon, ann an tìr Mhispeh.

Iosua 13:8

Maille ris an leth-threubh eile fhuair na Reubenich agus na Gadaich an oighreachd-san a thug Maois dhaibh an taobh thall de Iòrdan a làimh na h‑àird an ear, eadhon mar a thug Maois, òglach an Tighearna, dhaibh;

Iosua 22:4

Agus a‑nis thug an Tighearna ur Dia fois dur bràithrean, mar a gheall e dhaibh; a‑nis uime sin tillibh, agus rachaibh dur pàilleanan, agus gu fearann ur seilbh, a thug Maois, òglach an Tighearna, dhuibh air an taobh thall de Iòrdan.

Britheamhan 11:18

An sin ghluais iad tron fhàsach, agus chuartaich iad tìr Edoim, agus tìr Mhòaib, agus thàinig iad o thaobh na h‑àird an ear de thìr Mhòaib, agus champaich iad air an taobh eile de Arnon, ach cha tàinig iad an taobh a‑staigh de chrìch Mhòaib; oir b’e Arnon crìoch Mhòaib.