Ioel 3:7

Am Bìoball Gàidhlig 1992

Feuch, togaidh mise iad as an àite gus an do reic sibh iad; agus tillidh mi ur luigheachd air ur ceann fhèin.

Iomraidhean Croise

Esteir 7:10

Agus chroch iad Hàman air a’ chroich a dheasaich e do Mhordecai. Agus thraogh fearg an rìgh.

Isaiah 11:12

Agus togaidh e an àird bratach airson nan cinneach, agus tionailidh e dìobaraich Israeil, agus muinntir sgapte Iùdah cruinnichidh e le chèile o cheithir ceàrnan na talmhainn.

Isaiah 49:12

Feuch, thig iad seo o chèin; agus, feuch, iad seo o thuath agus on iar; agus iad seo o thìr Shinim.

Isaiah 66:6

Guth àrd-ghlaoidh on chathair: guth on teampall; guth an Tighearna, a’ toirt ath-dhìolaidh da naimhdean.

Ieremiah 23:8

Ach, Mar as beò an Tighearna, a thug a‑nìos agus a stiùir sliochd taigh Israeil as an tìr mu thuath, agus as na dùthchannan sin uile gus an d’fhuadaich mise iad: a‑chum gun gabhadh iad còmhnaidh nam fearann fhèin.

Ieremiah 30:10

Uime sin na biodh eagal ort, a Iàcoib, m’òglach-sa, deir an Tighearna, agus na biodh geilt ort, O Israeil: oir feuch, bheir mise tèarainte thu o chèin, agus do shliochd o thìr an daorsa; agus tillidh Iàcob, agus gheibh e fois agus sìth, agus cha bhi aon neach a’ cur eagail air.

Ieremiah 30:16

Uime sin bidh iadsan uile a tha gad shlugadh, air an slugadh, agus thèid do naimhdean uile, gach aon dhiubh ann am braighdeanas: bidh iadsan a tha gad chreachadh nan creich, agus na h‑uile a tha a’ dèanamh cobhartaich dhìot, bheir mise gu bhith nan cobhartach.

Ieremiah 31:8

Feuch, bheir mi iad on tìr mu thuath, agus tionailidh mi iad o chrìochan na talmhainn: an dall agus am bacach maille riu, a’ bhean thorrach, maraon agus ise a tha ri saothair; nan cuideachd mhòir tillidh iad.

Ieremiah 32:37

Feuch, tionailidh mise iad as na h‑uile dhùthchannan gus an d’fhògair mi iad ann am chorraich, agus ann am bhoile, agus ann am mhòr-fheirg; agus bheir mi a‑chum an àite seo iad a‑rìs, agus bheir mi orra còmhnaidh a ghabhail gu tèarainte.

Eseciel 36:24

Oir bheir mi sibh o mheasg nan cinneach, agus tionailidh mi sibh as na h‑uile dhùthchannan, agus bheir mi sibh gu ur fearann fhèin.

Eseciel 38:8

An dèidh mòran làithean thigear gad amharc: anns na bliadhnachan deireannach thig thu don fhearann a thugadh air ais on chlaidheamh, a chruinnicheadh à mòran chinneach, an aghaidh slèibhtean Israeil, a bha fada fàs: ach thugadh a‑mach as na cinnich e, agus gabhaidh iadsan uile còmhnaidh ann an tèarainteachd.

Ioel 3:4

Seadh, agus ciod ur gnothach-se riumsa, O Thìruis, agus a Shìdoin, agus uile chrìochan Phalistin? An dìol sibh rium luigheachd? A‑nis ma bheir sibh dhomh luigheachd, gu luath, gu grad dìolaidh mi ur luigheachd air ur ceann fhèin;

Sechariah 9:13

Oir lùb mi dhomh fhèin Iùdah, lìon mi am bogha le Ephraim; agus togaidh mi suas do mhic-sa, O Shioin, an aghaidh do mhac-sa, O Ghrèig, agus nì mi thu mar chlaidheamh duine cumhachdaich.

Mata 7:2

Oir a rèir na breith a bheir sibh, bheirear breith oirbh: agus leis an tomhas leis an tomhais sibh, tomhaisear dhuibh a‑rìs.

2 Tesalònianaich 1:6

Do bhrìgh gur ceart an nì do Dhia àmhghar ìocadh dhaibhsan a tha a’ cur àmhghair oirbh:

Seumas 2:13

Oir gheibh esan breitheanas gun tròcair, nach do rinn tròcair; agus nì tròcair gàirdeachas an aghaidh breitheanais.

Taisbeanadh 13:10

Ma bheir neach air bith ann am braighdeanas, thèid e fhèin ann am braighdeanas: ma mharbhas neach air bith leis a’ chlaidheamh, is èiginn e fhèin a bhith air a mharbhadh leis a’ chlaidheamh. Is ann an seo a tha foighidinn agus creideamh nan naomh.

Taisbeanadh 16:6

Oir dhòirt iadsan fuil naomh agus fhàidhean, agus thug thusa dhaibh fuil ra h‑òl; oir is toillteanach iad.

Taisbeanadh 19:2

Oir is fìor agus is cothromach a bhreitheanais; oir thug e breith air an strìopaich mhòir, a thruaill an talamh le a strìopachas, agus dhìol e fuil a sheirbhiseach fhèin air a làimh.

Britheamhan 1:7

Agus thubhairt Adoni-besec, Thionail trì-fichead agus deich rìghrean, aig an robh òrdagan an làmh agus an cas air an gearradh dhiubh, am biadh fom bhòrd-sa: mar a rinn mi, mar sin dhìol Dia orm. Agus thug iad e gu Ierusalem, agus fhuair e bàs an sin.

1 Samuel 15:33

Agus thubhairt Samuel, Mar a rinn do chlaidheamh-sa mnathan gun chlann, mar sin bidh do mhàthair gun chlann am measg bhan. Agus thug Samuel fa‑near Agag a ghearradh sìos na mhìrean am fianais an Tighearna ann an Gilgal.