Iob 9:2

Am Bìoball Gàidhlig 1992

Gu deimhinn tha fhios agam gu bheil e mar sin: oir cionnas a shaoras duine e fhèin am fianais Dhè?

Iomraidhean Croise

1 Rìgh 8:46

Ma pheacaicheas iad ad aghaidh, (oir chan eil duine ann nach peacaich,) agus gun las d’fhearg nan aghaidh, agus gun toir thu thairis iad dan naimhdean, agus gun toir iad leo nam braighdean iad do thìr an naimhdean, am fad no am fagas;

Esra 9:15

A Thighearna Dhè Israeil, is ceart thusa, oir tha sinn an làthair a thàinig as, mar air an là‑an‑diugh. Feuch, tha sinn ad fhianais nar peacaidhean: oir chan urrainn sinn seasamh ad fhianais airson seo.

Iob 25:4

Cionnas, matà, a shaorar duine an làthair Dhè? Agus cionnas a bhios esan glan a rugadh o mhnaoi?

Iob 25:5

Amhairc eadhon air a’ ghealaich, agus cha dealraich i; agus chan eil na rionnagan glan na shealladh.

Iob 32:2

Agus las fearg Elihu mhic Bharacheil am Busitheach, de chinneadh Ram; an aghaidh Iob las a fhearg, a chionn gun d’fhìreanaich e e fhèin nas mò na Dia.

Iob 33:9

Glan tha mi, gun easaontas; neo-chiontach tha mi, agus chan eil euceart annam.

Iob 34:5

Oir thubhairt Iob, Tha mi ionraic; agus thug Dia air falbh mo bhreitheanas.

Iob 4:17

Am bi duine nas ceirte na Dia? Am bi fear nas glaine na a Chruithear?

Iob 9:1

Agus fhreagair Iob, agus thubhairt e,

Salm 130:3

Ma chomharraicheas tusa aingidheachd, a Thighearna; a Thighearna, cò a sheasas?

Salm 143:2

Agus na tig ann am breitheanas led òglach; oir ann ad fhianais chan fhìreanaichear duine beò air bith.

Ròmanaich 3:20

Uime sin cha bhi feòil air bith air a fìreanachadh na fhianais-san, tre obraichean an lagha: oir is ann tre an lagh a tha eòlas peacaidh.