Iob 8:13

Am Bìoball Gàidhlig 1992

Mar sin ceuman nan uile a dhìochuimhnicheas Dia; agus bàsaichidh dòchas a’ chealgair:

Iomraidhean Croise

Iob 11:20

Ach fàilnichidh sùilean nan aingidh, agus dol as cha bhi aca; agus bidh an dòchas mar thoirt suas an deò.

Iob 13:16

Mar an ceudna bidh e dhòmhsa a‑chum slàinte; oir cha tig cealgair na làthair.

Iob 15:34

Oir bidh coitheanal nan cealgair aonaranach, agus caithidh teine pàilleanan na duais-bhratha.

Iob 18:14

Spìonar as a phàillean a dhòchas; agus bheir e e gu rìgh nan uamhann.

Iob 20:5

Gur geàrr caithreim nan aingidh, agus nach eil gàirdeachas a’ chealgair ach car tiota?

Iob 36:13

Ach càrnaidh na cealgairean anns a’ chridhe suas fearg; chan èigh iad nuair a cheanglas e iad.

Iob 8:12

Nuair a bhios e fhathast na ghlaise, cha ghearrar sìos e; gidheadh, ro gach luibh seargaidh e.

Salm 1:4

Chan ann mar sin a bhios na h‑aingidh, ach mar mholl a sgapas a’ ghaoth.

Salm 10:4

Ann an uabhar a ghnùise chan iarr an t‑aingidh Dia; chan eil Dia na uile smuaintean.

Salm 112:10

Chì an droch dhuine, agus bidh fearg air; casaidh e a fhiaclan, agus seargaidh e as; sgriosar miann nan aingidh.

Salm 50:22

Smaoinichibh a‑nis air seo, sibhse nach cuimhnich Dia, air eagal gun reub mi as a chèile, gun neach ann a theasairgeas.

Salm 9:17

Cuirear na h‑aingidh gu ifrinn, na cinnich uile nach cuimhnich Dia.

Gnàth-fhacal 10:28

Bidh dùil nam fìrean na adhbhar aoibhneis; ach thèid as do dhòchas nan aingidh.

Gnàth-fhacal 11:7

Nuair a bhàsaicheas an droch dhuine, thèid as da dhòchas; agus teirigidh dùil luchd-euceirt.

Gnàth-fhacal 12:7

Tilgear na h‑aingidh bun-os‑cionn, agus cha bhi iad ann; ach seasaidh taigh nam fìrean.

Isaiah 33:14

Tha na peacaich ann an Sion fo eagal; ghlac uamhann na cealgairean: cò nar measg a ghabhas còmhnaidh maille ri teine millteach? Cò nar measg a ghabhas còmhnaidh maille ri lasraichean sìorraidh?

Isaiah 51:13

Agus gun dìochuimhnicheadh tu an Tighearna do Chruithear a shìn a‑mach na nèamhan, agus a leag stèidh na talmhainn; agus gum biodh sìor-eagal ort gach là, airson corraich an fhir-shàrachaidh, mar gum biodh e ullamh gu sgrios? Agus càit a bheil corraich an fhir-shàrachaidh?

Tuireadh Ieremiah 3:18

Agus thubhairt mi, Tha mo spionnadh agus mo dhòchas air bàsachadh on Tighearna.

Mata 24:51

Agus gearraidh e na bhloighdean e, agus bheir e a chuibhreann dha maille ris na cealgairean: an sin bidh gul agus gìosgan fhiacal.

Deuteronomi 6:12

An sin thoir an aire air eagal gun dìochuimhnich thu an Tighearna, a thug a‑mach thu à tìr na h‑Eiphit, à taigh na daorsa.

Deuteronomi 8:11

Thoir an aire nach dìochuimhnich thu an Tighearna do Dhia, air chor is nach glèidh thu a àitheantan agus a bhreitheanais, agus a reachdan, a tha mise ag àithneadh dhut an‑diugh:

Deuteronomi 8:14

Gum bi an sin do chridhe air a thogail suas, agus gun dìochuimhnich thu an Tighearna do Dhia, a thug a‑mach thu à tìr na h‑Eiphit, agus à taigh na daorsa;

Deuteronomi 8:19

Agus tàrlaidh, ma dhìochuimhnicheas tu air chor sam bith an Tighearna do Dhia, agus gun gluais thu an dèidh dhiathan eile, agus gun dèan thu seirbhis dhaibh, agus gun dèan thu adhradh dhaibh, tha mi a’ toirt fianais nur n‑aghaidh an‑diugh, gun sgriosar gu tur sibh.