Iob 7:4

Am Bìoball Gàidhlig 1992

Ma laigheas mi sìos, their mi, Cuin a dh’èireas mi, agus a thèid an oidhche thairis? Agus tha mi a’ làn-luasgaidh a‑null agus a‑nall gu briseadh na fàire.

Iomraidhean Croise

Iob 17:12

An oidhche tionndaidhidh iad gu là: tha solas goirid a‑thaobh dorchadais.

Iob 30:17

Anns an oidhche tha mo chnàmhan air an tolladh annam: agus cha bhi m’fhèithean aig fois.

Salm 109:23

Mar sgàil a’ claonadh sìos tha mi a’ siubhal; tha mi air m’fhuadachadh mar an lòcast.

Salm 130:6

Tha m’anam a’ feitheamh air an Tighearna, nas mò na luchd-faire na maidne, seadh, na luchd-faire na maidne.

Salm 6:6

Tha mi sgìth lem osnaich; rè na h‑oidhche tha mi a’ cur mo leapa air snàmh; lem dheòir tha mi ag uisgeachadh m’uirigh.

Salm 77:4

Chùm thu mo shùilean nam faireachadh; tha mi iarganach, agus chan urrainn mi labhairt.

Isaiah 54:11

O thusa a tha ainniseach, air do luasgadh leis an doininn, agus gun chomhfhurtachd agad; feuch leagaidh mi do chlachan ann an dath sgiamhach, agus suidhichidh mi do bhunaitean le clachan saphir.

Deuteronomi 28:67

Anns a’ mhadainn their thu, Och! nach b’e am feasgar e; agus anns an fheasgar their thu, Och! nach b’e a’ mhadainn e; airson eagal do chridhe, leis am bi eagal ort, agus airson sealladh do shùl a chì thu.