Iob 7:16

Am Bìoball Gàidhlig 1992

Tha mi a’ gabhail gràin dheth; cha b’àill leam a bhith beò gu bràth: leig leam, oir is dìomhanas mo làithean.

Iomraidhean Croise

Genesis 27:46

Agus thubhairt Rebecah ri Isaac, Tha mi sgìth dem bheatha airson nigheanan Het: ma ghabhas Iàcob bean de nigheanan Het, mar iadsan a tha de nigheanan na dùthcha, ciod am math a nì mo bheatha dhòmhsa?

1 Rìgh 19:4

Ach chaidh e fhèin astar là don fhàsach, agus thàinig e agus shuidh e fo chraoibh aiteil, agus dh’iarr e dha fhèin bàs fhaghail, agus thubhairt e, Is leòr e; a‑nis, a Thighearna, thoir leat m’anam; oir chan fheàrr mise na m’athraichean.

Iob 10:1

Tha m’anam sgìth dem bheatha; fàgaidh mi mo ghearan orm fhèin; labhraidh mi ann an seirbhe m’anama.

Iob 10:20

Nach tearc mo làithean? Sguir, matà, agus leig leam, agus gum faigh mi beagan comhfhurtachd,

Iob 14:6

Tionndaidh uaithe a‑chum gum bi fois aige, gus an coilean e mar fhear-tuarasdail a là.

Iob 6:9

Agus gum bu toil le Dia mo sgrios; gun cuireadh e a‑mach a làmh, agus gun gearradh e as mi!

Iob 7:15

Agus is fheàrr lem anam tachdadh, bàs na beatha.

Iob 7:7

Cuimhnich gur gaoth mo bheatha: cha till mo shùil a dh’fhaicinn maith.

Iob 9:21

Foirfe ged bhithinn, chan aithnichinn e: am anam dhèanainn tàir air mo bheatha.

Salm 144:4

Is cosmhail an duine ri dìomhanas; tha a làithean mar sgàil a ghabhas seachad.

Salm 39:10

Tog dhìom do bhuille; le beum do làimhe chlaoidheadh mi.

Salm 39:13

O caomhainn mi a‑chum gum faigh mi neart mun siubhail mi, agus nach bi mi ann nas mò!

Salm 39:6

Gu deimhinn, tha gach duine a’ siubhal ann an samhladh dìomhain; gu deimhinn, cuirear mì‑shuaimhneas orra gu faoin; càrnaidh neach suas beartas, gun fhios aige cò a mhealas e.

Salm 62:9

Gu cinnteach tha clann Adhaimh nan dìomhanas, clann an duine nam brèig; air meidh ma chuirear iad, is aotroime iad gu lèir na dìomhanas.

Salm 78:33

Uime sin chaith e an làithean ann an dìomhanas, agus am bliadhnachan ann an uamhas.

Salm 78:39

Oir chuimhnich e nach robh annta ach feòil; osag gaoithe a shiùbhlas, agus nach till a‑rìs.

Eclesiastes 2:17

Uime sin dh’fhuathaich mi beatha, a chionn gur doilgheasach dhomh an obair a dh’obraichear fon ghrèin: oir is dìomhanas na h‑uile nithean agus buaireadh spioraid.

Ieremiah 8:3

Agus bidh bàs nas roghnaiche na beatha leis an uile fhuidheall a mhaireas den teaghlach olc seo, a bhios nam fuidheall anns gach uile àite gus am fògair mise iad, deir Tighearna nan sluagh.

Ionah 4:3

Uime sin a‑nis, O Thighearna, buin, guidheam ort, m’anam uam; oir is fheàrr dhomh a bhith marbh na beò.

Ionah 4:8

Agus thàrladh, nuair a dh’èirich a’ ghrian, gun do dheasaich Dia gaoth theth on ear; agus bhuail a’ ghrian air ceann Ionah, ionnas gun d’fhannaich e, agus ghuidh e ann fhèin bàs fhaotainn, agus thubhairt e, Is fheàrr dhomh a bhith marbh na beò.