Iob 6:7

Am Bìoball Gàidhlig 1992

Tha m’anam a’ diùltadh beantainn riu: tha iad sin mar mo bhiadh bròin.

Iomraidhean Croise

1 Rìgh 17:12

Agus thubhairt ise, Mar as beò an Tighearna do Dhia, chan eil breacag agam, ach làn an dùirn de mhin ann an soitheach, agus beagan ola ann an còrn: agus, feuch, tha mi a’ tional biorain no dhà, a‑chum gun tèid mi a‑steach, agus gun deasaich mi e dhomh fhèin agus dom mhac, agus gun ith sinn e, agus gum faigh sinn bàs.

1 Rìgh 22:27

Agus abraibh, Mar seo thubhairt an rìgh, Cuiribh am fear seo anns a’ phrìosan, agus beathaichibh e le aran airce, agus le uisge airce, gus an tig mise ann an sìth.

Iob 3:24

Oir ro mo bhiadh thig m’osnaich, agus taomar a‑mach mar uisge mo bhùireadh.

Iob 33:20

Air chor is gun gabh a bheatha gràin de aran, agus a anam de bhiadh deagh-bhlasda.

Iob 6:6

An gabh an nì a tha neo-bhlasda ithe gun salann? A bheil blas air gealagan an uibhe?

Iob 6:8

O nach tugte dhomh m’athchuinge; agus gun deònaicheadh Dia dhomh mo mhiann!

Salm 102:9

Oir dh’ith mi luath mar aran, agus mheasg mi mo dheoch lem dheòir,

Eseciel 4:14

An sin thubhairt mise, Ah a Thighearna Dhia! Feuch, cha do thruailleadh m’anam-sa: oir om òige a‑nìos gus a‑nis cha d’ith mi dheth sin a bhàsaicheas leis fhèin, no a bha na chonablach; cha mhò a thàinig feòil ghràineil ann am bheul.

Eseciel 4:16

Os bàrr thubhairt e rium, A mhic an duine, feuch, brisidh mise lorg an arain ann an Ierusalem; agus ithidh iad aran air thomhas agus le cùram; agus òlaidh iad uisge le tomhas agus le uamhas.

Daniel 10:3

Cha d’ith mi aran taitneach air bith, cha mhò a thàinig feòil no fìon ann am bheul, cha mhò a dh’ung mi mi fhèin idir, gus an robh trì seachdainean iomlan air an coileanadh.