Iob 6:11

Am Bìoball Gàidhlig 1992

Ciod e mo neart, gum biodh dòchas agam? Agus ciod i mo chrìoch, gun sìninn mo bheatha?

Iomraidhean Croise

Iob 10:20

Nach tearc mo làithean? Sguir, matà, agus leig leam, agus gum faigh mi beagan comhfhurtachd,

Iob 13:25

Am bris thu an duilleag a thilgear a‑null agus a‑nall? Agus an ruaig thu an asbhuain thioram?

Iob 13:28

Agus mar nì breun cuirear as dha, mar thrusgan a dh’itheas an leòmann.

Iob 17:1

Thruailleadh m’anail; ghearradh as mo làithean; tha na h‑uaighean air mo shon-sa.

Iob 17:13

Ma dh’fheitheas mi, is i an uaigh mo thaigh: anns an dorchadas rinn mi mo leabaidh.

Iob 21:4

Am thaobh-sa, an ann ri duine a tha mo ghearan? Agus nam b’ann, carson nach biodh mo spiorad fo bhuaireas?

Iob 26:2

Cionnas a chuidich thu leis an tì a tha gun chumhachd? Cionnas a shaor thu an gàirdean a tha gun neart?

Iob 6:12

An e neart nan clach mo neart? A bheil m’fheòil de umha?

Salm 102:23

Chlaoidh e anns an t‑slighe mo neart; ghiorraich e mo làithean.

Salm 39:4

Thoir fios dhomh, a Thighearna, air mo chrìch, agus tomhas mo làithean ciod e, a‑chum gum bi fhios agam cia geàrr mo rè.

Salm 39:5

Feuch, mar leud boise rinn thu mo làithean, agus tha m’aois mar neoni ad fhianais: gu deimhinn, is dìomhanas gach duine da fheabhas. Selah.