Iob 5:6

Am Bìoball Gàidhlig 1992

Ged nach tig àmhghar a‑mach as an duslach, agus nach fàs carraid as an talamh,

Iomraidhean Croise

Iob 15:35

Ginidh iad donas, agus beiridh iad droch-bheart, agus ullaichidh an com cealg.

Iob 34:29

Nuair a bheir esan fois, cò a nì buaireas? Agus nuair a dh’fhalaicheas e a ghnùis, cò a chì e? Mas ann a‑thaobh cinnich, no a‑thaobh duine a‑mhàin.

Salm 90:7

Oir tha sinn air ar caitheamh led fheirg, agus led chorraich tha sinn air ar claoidh.

Isaiah 45:7

Tha mi a’ dealbhadh an t‑solais, agus a’ cruthachadh an dorchadais; a’ dèanamh sìthe, agus a’ cruthachadh dòlais; tha mise an Tighearna a’ dèanamh nan nithean seo uile.

Tuireadh Ieremiah 3:38

Nach ann o òrdagh an Tì as ro‑àirde a thig olc agus math?

Hosèa 10:4

Labhair iad briathran faoine, nuair a mhionnaich iad; breugan nuair a rinn iad coicheangal: mar seo tha breitheanas a’ fàs a‑nìos, mar an iteodha ann an claisean na machrach.

Lebhiticus 25:5

An nì sin a dh’fhàsas dheth fhèin ded fhoghar, cha bhuain thu, agus fìondhearcan d’fhìonain neo-dheasaichte cha chruinnich thu: na bliadhna foise bidh i don tìr.

Amos 3:6

An sèidear an trompaid ann am baile, agus gun eagal a bhith air an t‑sluagh? Am bi dòrainn ann am baile, agus nach e an Tighearna a chuir ann e?

Deuteronomi 32:27

Mura biodh gu robh eagal orm ro chorraich an nàmhaid, air eagal gun giùlaineadh an eascairdean iad fhèin gu mì‑chubhaidh, air eagal gun abradh iad, Is i ar làmh àrd-ne, agus chan e an Tighearna, a rinn seo uile.

Eabhraidhich 12:15

A’ toirt an ro‑aire, air eagal gun tig neach sam bith a dhèidh-làimh air gràs Dhè; air eagal air fàs suas do fhreumh seirbhe sam bith, gun cuir e dragh oirbh, agus le seo gum bi mòran air an salachadh:

1 Samuel 6:9

Agus chì sibh, ma thèid i suas rathad a crìche fhèin gu Bet-semes, an sin rinn e an t‑olc mòr seo oirnn: ach mura tèid, an sin bidh fhios againn nach i a làmh-san a bhuail sinn; is tuiteamas a thàinig oirnn.