Iob 5:12

Am Bìoball Gàidhlig 1992

A tha a’ toirt innleachdan nan cuilbheartach gu neoni, air chor is nach coilean an làmhan an gnìomh:

Iomraidhean Croise

Genesis 31:22

Agus dh’innseadh do Làban, air an treas là, gun do theich Iàcob.

2 Samuel 11:9

Ach laigh Uriah aig doras taigh an rìgh, maille ri uile sheirbhisich a thighearna, agus cha deachaidh e sìos da thaigh.

2 Samuel 17:14

Agus thubhairt Absalom agus fir Israeil uile, Is fheàrr comhairle Husai an t‑Arcach na comhairle Ahitopheil: oir dh’òrdaich an Tighearna comhairle mhath Ahitopheil a thoirt gu neoni, a‑chum gun tugadh an Tighearna olc air Absalom.

2 Rìgh 6:9

Agus chuir an duine le Dia fios a dh’ionnsaigh rìgh Israeil, ag ràdh, Feuch nach tèid thu thairis air a leithid seo de àite; oir an sin tha na Sirianaich air teachd a‑nuas.

Nehemiah 4:15

Ach nuair a chuala ar naimhdean gun d’fhuair sinn fios air, agus a thug Dia an comhairle gu neoni, thill sinn uile a dh’ionnsaigh a’ bhalla, gach aon a dh’ionnsaigh a obrach fhèin.

Nehemiah 4:9

Ach rinn sinne ùrnaigh ri ar Dia, agus shuidhich sinn freiceadan nan aghaidh a là agus a dh’oidhche fan comhair.

Iob 15:5

Oir teagaisgidh aingidheachd do bheul, agus roghnaichidh tu teanga nan cuilbheartach.

Salm 21:11

Oir dhealbh iad olc ad aghaidh; smaoinich iad droch smuaintean, nach b’urrainn iad a choileanadh.

Salm 37:17

Oir brisear gàirdeanan dhroch dhaoine, ach cumaidh Dia suas na fìreanan.

Gnàth-fhacal 21:30

Chan eil gliocas, no tuigse, no comhairle ann, an aghaidh an Tighearna.

Gnàth-fhacal 22:12

Coimheadaidh sùilean an Tighearna eòlas; ach tilgidh e bun-os‑cionn briathran a’ chiontaich.

Isaiah 19:3

Agus fannaichidh spiorad na h‑Eiphit na meadhon; agus cuiridh mi ann an neo-bhrìgh a comhairle; agus iarraidh iad a‑chum nan iodhalan, agus a‑chum nan draoidhean, agus a‑chum na muinntir aig a bheil leannain-shìth, agus a‑chum an luchd-fiosachd.

Isaiah 37:36

Agus chaidh aingeal an Tighearna a‑mach, agus bhuail e ann an camp nan Asirianach ceud agus ceithir-fichead agus còig mìle; agus nuair a dh’èirich daoine anns a’ mhadainn, bha iad sin uile nan cuirp mharbha.

Isaiah 44:25

A bheir gu neoni comharraidhean nam mealltairean, agus a chuireas na fiosaichean air a’ chuthach; a thilleas daoine glice air an ais, agus a thionndaidheas an eòlas gu amaideachd;

Isaiah 8:10

Cuiribh ur comhairle ri chèile, agus thig i gu neo-bhrìgh; labhraibh am facal, agus cha seas e; oir tha Dia leinne.

Ieremiah 49:7

Mu thimcheall Edoim. Mar seo tha Tighearna nan sluagh ag ràdh, Nach eil gliocas nas mò ann an Teman? An do bhàsaich comhairle nan daoine glice? An deachaidh an gliocas am mugha?

Ieremiah 8:8

Cionnas a their sibh, Tha sinn glic, agus tha reachd an Tighearna nar measg? Feuch, gu deimhinn is dìomhanas obair na cleit-sgrìobhaidh, chan eil anns na sgrìobhaichean ach dìomhanas.

Obadiah 1:8

Nach sgrios mise anns an là sin, tha an Tighearna ag ràdh, araon na daoine glice a‑mach à Edom, agus tuigse à sliabh Esau?

Gnìomharan 12:11

Agus nuair a thàinig Peadar da ionnsaigh fhèin, thubhairt e, A‑nis tha fhios agam gu fìrinneach gun do chuir an Tighearna aingeal uaithe, agus gun do shaor e mi o làimh Heroid, agus o uile dhùil poball nan Iùdhach.

1 Samuel 23:13

An sin dh’èirich Daibhidh agus a dhaoine, a bha mu thimcheall sia ceud, agus chaidh iad a‑mach à Ceilah, agus dh’imich iad an taobh a dh’fhaodadh iad imeachd. Agus dh’innseadh do Shaul gun deachaidh Daibhidh as à Ceilah, agus leig e dheth dol a‑mach.