Iob 4:8

Am Bìoball Gàidhlig 1992

A rèir mar a chunnaic mise, iadsan a threabhas euceart, agus a chuireas aingidheachd, buainidh iad e.

Iomraidhean Croise

Iob 15:31

Na earbadh esan a mheallar à dìomhanas; oir dìomhanas bidh aige mar luigheachd.

Iob 15:35

Ginidh iad donas, agus beiridh iad droch-bheart, agus ullaichidh an com cealg.

Gnàth-fhacal 1:31

Uime sin ithidh iad de thoradh an slighe fhèin, agus lìonar iad len innleachdan fhèin.

Gnàth-fhacal 22:8

An tì a shìol-chuireas euceart, buainidh e dìomhanas; agus caithear slat a fheirge.

Isaiah 17:11

Anns an là bheir thu air do chraobhan fàs, agus anns an oidhche bheir thu air do shìol cinntinn; ach bidh am fogharadh na dhùn ann an là a’ dhoilgheis agus a’ bhròin gun dòchas.

Ieremiah 4:18

Choisinn do shlighe agus do dhèanadas na nithean seo dhut; is i seo d’aingidheachd; a chionn gu bheil i searbh, oir tha i a’ ruigheachd gud chridhe.

Hosèa 8:7

Oir chuir iad a’ ghaoth, agus buainidh iad a’ chuairt-ghaoth: chan eil toradh air an dèis; cha toir i uaipe min; no, ma bheir, sluigidh coigrich suas i.

2 Corintianach 9:6

Ach seo tha mi ag ràdh, An tì a chuireas gu gann, buainidh e gu gann mar an ceudna; agus an tì a chuireas gu pailt, buainidh e gu pailt mar an ceudna.