Iob 4:5

Am Bìoball Gàidhlig 1992

Ach a‑nis thàinig e ort, agus ghabh thu gu h‑olc e: bhean e riut, agus tha thu fo amhluadh.

Iomraidhean Croise

Iob 1:11

Ach cuir a‑nis a‑mach do làmh, agus bean ris gach nì a tha aige, agus as an aodann mallaichidh e thu.

Iob 19:21

Gabhaibh truas dhìom, gabhaibh truas dhìom, O mo chàirdean, oir bhean làmh Dhè rium.

Iob 2:5

Ach cuir a‑nis a‑mach do làmh, agus bean ra chnàimh agus ra fheòil, agus as an aodann mallaichidh e thu.

Iob 4:4

Esan a bha a’ tuiteam chùm do bhriathran suas, agus na glùinean anfhann neartaich thu.

Iob 6:14

Dhàsan a thrèigeas a charaid is mòr am masladh e; trèigidh e mar an ceudna eagal an Uile-chumhachdaich.

Salm 30:8

Ghlaodh mi riutsa, a Thighearna, agus air an Tighearna dh’aslaich mi.

Gnàth-fhacal 24:10

Ma dh’fhannaicheas tu ann an là an àmhghair, is beag do neart.

2 Corintianach 4:1

Uime sin, air don mhinistrealachd seo a bhith againn, a rèir mar a fhuair sinn tròcair, chan eil sinn a’ fannachadh:

2 Corintianach 4:16

Uime sin chan eil sinn a’ fannachadh, ach ged thruaillear ar duine on leth a‑muigh, gidheadh tha an duine on leth a‑staigh air ath-nuadhachadh o là gu là.

Eabhraidhich 12:3

Uime sin thugaibh fa‑near esan a dh’fhuiling a shamhail sin de ana-cainnt o pheacaich na aghaidh fhèin, air eagal gum bi sibh sgìth agus lag nur n‑inntinnean.

Eabhraidhich 12:5

Agus dhìochuimhnich sibh an earail a tha a’ labhairt ribh mar ri cloinn, A mhic, na cuir suarach smachdachadh an Tighearna, agus na fannaich nuair a chronaichear leis thu: