Iob 4:3

Am Bìoball Gàidhlig 1992

Feuch, theagaisg thusa mòran, agus neartaich thu na làmhan laga.

Iomraidhean Croise

Genesis 18:19

Oir is aithne dhomh e, gun toir e àithne da chloinn agus da theaghlach na dhèidh, agus gleidhidh iadsan slighe an Tighearna, a’ dèanamh ceartais agus breitheanais; a‑chum is gun toir an Tighearna air Abrahàm an nì sin a labhair e ma thimcheall.

Esra 6:22

Agus chùm iad fèill an arain neo-ghortaichte seachd làithean le aoibhneas: oir rinn an Tighearna aoibhinn iad agus thionndaidh e cridhe rìgh Asiria dan ionnsaigh, a neartachadh an làmhan ann an obair taigh Dhè, Dia Israeil.

Iob 16:5

Ach neartaichinn sibh lem bheul, agus lùghdaicheadh gluasad mo bhilean ur doilgheas.

Iob 29:11

Nuair a chuala a’ chluas, bheannaich i mi; agus nuair a chunnaic an t‑sùil, thug i fianais leam:

Iob 29:15

Bu shùilean mi don dall, agus bu chasan mi don bhacach.

Iob 29:16

Bha mi am athair do na bochdan; agus a’ chùis nach b’aithne dhomh rannsaich mi a‑mach.

Iob 29:21

Riumsa dh’èisd daoine, agus dh’fheith iad, agus bha iad nan tosd rim chomhairle.

Iob 4:4

Esan a bha a’ tuiteam chùm do bhriathran suas, agus na glùinean anfhann neartaich thu.

Gnàth-fhacal 10:21

Beathaichidh bilean an fhìrein mòran; ach eugaidh na h‑amadain a dhìth tuigse.

Gnàth-fhacal 15:7

Sgaoilidh bilean nan daoine glice eòlas; ach cha dèan cridhe nan amadan mar sin.

Gnàth-fhacal 16:21

Goirear duine crìonna den tì a tha glic na chridhe; agus meudaichidh mìlse nam bilean fòghlam.

Isaiah 35:3

Neartaichibh-se na làmhan laga, agus daingnichibh na glùinean anfhann.

Isaiah 50:4

Thug an Tighearna Iehòbhah dhòmhsa teanga nan daoine fòghlaimte, a‑chum gum b’aithne dhomh facal a labhairt ann an deagh àm ris an neach a tha airtnealach; tha e a’ dùsgadh, madainn an dèidh maidne; tha e a’ dùsgadh mo chluaise gu èisdeachd mar a nì fòghlamach.

Eseciel 13:22

A chionn le breugan gun do rinn sibh cridhe an ionracain dubhach, agus nach do rinn mise dubhach e; agus gun do neartaich sibh làmhan an aingidh, a‑chum nach tilleadh e o a dhroch shlighe, le bhith a’ gealltainn beatha dha.

Sephaniah 3:16

Anns an là sin theirear ri Ierusalem, Na biodh eagal ort; agus ri Sion, Na biodh do làmhan lag.

Lùcas 22:32

Ach ghuidh mise air do shon-sa, nach dìobradh do chreideamh thu: agus nuair a dh’iompaichear thu, neartaich do bhràithrean.

Lùcas 22:43

Agus dh’fhoillsicheadh dha aingeal o nèamh, ga neartachadh.

Ephèsianach 4:29

Na tigeadh cainnt thruaillidh air bith a‑mach as ur beul, ach an nì sin a tha math a‑chum deagh-fhòghlaim, ionnas gun toir e gràs don luchd-èisdeachd.

Deuteronomi 3:28

Ach thoir àithne do Iosua, agus thoir misneach dha, agus neartaich e: oir thèid esan thairis ron t‑sluagh seo, agus bheir e orra am fearann sin a chì thusa a shealbhachadh mar oighreachd.

Colosianach 4:6

Biodh ur còmhradh a‑ghnàth ann an gràs, air a dhèanamh blasda le salann, a‑chum gum bi fhios agaibh cionnas as còir dhuibh gach neach a fhreagairt.

Eabhraidhich 12:12

Uime sin, togaibh suas na làmhan a tha air tuiteam sìos, agus neartaichibh na glùinean laga;