Iob 38:4

Am Bìoball Gàidhlig 1992

Càit an robh thu nuair a leag mise bunaitean na talmhainn? Innis, ma tha tuigse agad.

Iomraidhean Croise

Genesis 1:1

Anns an toiseach chruthaich Dia na nèamhan agus an talamh.

Genesis 2:4

Is iad seo ginealaichean nan nèamh agus na talmhainn nuair a chruthaicheadh iad, anns an là anns an do rinn an Tighearna Dia an talamh agus na nèamhan.

Iob 15:7

An tusa an ciad duine a rugadh? No ro na cnocan an do rinneadh thu?

Iob 28:25

A‑chum gun dèan e cudthrom den ghaoith, agus gun tomhais e na h‑uisgeachan le tomhas.

Iob 34:13

Cò a chuir an talamh fo a chùram, agus cò a shuidhich an domhan uile?

Salm 102:25

O chian leag thu bunaitean na talmhainn, agus is iad na nèamhan obair do làmh.

Salm 102:26

Thèid as dhaibhsan, ach mairidh tusa; fàsaidh iadsan uile sean mar aodach; mar thrusgan caochlaidh tu iad, agus bidh iad air an caochladh.

Salm 104:5

Shuidhich e an talamh air a bhunaitean, a‑chum nach gluaiste e gu bràth.

Gnàth-fhacal 3:19

Le gliocas shuidhich an Tighearna an talamh; le tuigse shònraich e na nèamhan.

Gnàth-fhacal 30:4

Cò a chaidh suas do nèamh, no a thàinig a‑nuas? Cò a chruinnich a’ ghaoth na dhùirn? Cò a cheangail na h‑uisgeachan ann an trusgan? Cò a shuidhich uile chrìochan na talmhainn? Ciod as ainm dha? Agus ciod e ainm a mhic, ma tha fhios agad?

Gnàth-fhacal 8:22

Bha mise aig an Tighearna ann an toiseach a shlighe, ro a obraichean o shean.

Isaiah 40:14

Cò ris a chuir e a chomhairle, agus cò a theagaisg e, agus a sheòl dha ceum a’ bhreitheanais, agus a dh’ionnsaich dha eòlas, agus a sheòl dha slighe na tuigse?

Ieremiah 10:12

Rinn esan an talamh le a chumhachd, shocraich e an saoghal le a ghliocas, agus le a thuigse sgaoil e a‑mach na nèamhan.

Amos 4:13

Oir feuch, esan a dhealbhas na slèibhtean, agus a chruthaicheas a’ ghaoth, agus a dh’fhoillsicheas do dhuine ciod as smuaintean dha; esan a nì a’ mhadainn na dorchadas, agus a shaltras air ionadan àrda na talmhainn, Iehòbhah, Dia nan sluagh, is e a ainm.

Eabhraidhich 1:10

Agus, Leag thusa, a Thighearna, bunaitean na talmhainn air tùs; agus is iad na nèamhan obraichean do làmh:

Eabhraidhich 1:2

Labhair e anns na làithean deireannach seo rinne le a Mhac, a dh’òrdaich e na oighre air na h‑uile nithean, tre an do chruthaich e fòs na saoghail;

1 Samuel 2:8

Togaidh e am bochd on duslach: on òtrach togaidh e suas am feumach, gan cur nan suidhe maille ri uachdarain, agus a thoirt orra cathair glòire a shealbhachadh; oir is leis an Tighearna bunaitean na talmhainn, agus shuidhich e an domhan orra.