Iob 38:1

Am Bìoball Gàidhlig 1992

An sin fhreagair an Tighearna Iob as a’ chuairt-ghaoith, agus thubhairt e,

Iomraidhean Croise

Genesis 9:10

Agus ris gach uile chreutair beò a tha maille ribh, de eunlaith, de sprèidh, agus de uile bheathaichean na talmhainn maille ribh; o gach uile a tha a’ dol a‑mach as an àirc, gu uile bheathaichean na talmhainn.

1 Rìgh 19:11

Agus thubhairt e, Falbh a‑mach, agus seas air an t‑sliabh an làthair an Tighearna. Agus, feuch, ghabh an Tighearna seachad, agus reub gaoth mhòr agus làidir na beanntan, agus bhris i na creagan nam bloighdean ron Tighearna, ach cha robh an Tighearna anns a’ ghaoith; agus an dèidh na gaoithe crith-thalmhainn, ach cha robh an Tighearna anns a’ chrith-thalmhainn;

2 Rìgh 2:1

Agus thachair, nuair a bha an Tighearna gu Eliah a thogail suas le iomaghaoith do na nèamhan, gun deachaidh Eliah maille ri Elisa o Ghilgal.

2 Rìgh 2:11

Agus nuair a bha iad a’ gabhail air an aghaidh agus a’ còmhradh, feuch, carbad teine, agus eich theine, agus dhealaich iad o chèile iad: agus chaidh Eliah suas le iomaghaoith do na nèamhan.

Iob 11:5

Ach, O nach labhradh Dia, agus nach fosgladh e a bhilean riut;

Iob 26:10

Chuartaich e na h‑uisgeachan le crìochan, gus an teirig an là maille ris an oidhche.

Iob 37:14

Eisd ri seo, a Iob; seas, agus tabhair fa‑near obraichean iongantach Dhè.

Iob 37:9

As an àird a deas thig an ioma-ghaoth, agus fuachd as an àird a tuath.

Iob 40:1

A thuilleadh air seo fhreagair an Tighearna Iob, agus thubhairt e,

Iob 40:6

An sin fhreagair an Tighearna Iob as a’ chuairt-ghaoith, agus thubhairt e,

Eseciel 1:4

Agus dh’amhairc mi, agus, feuch, ghiùlain iomaghaoth on àird a tuath neul mòr a bha air a chuartachadh le fillidhean teine, agus dealradh air gach taobh dheth; agus na mheadhon bha amhail dreach òmair, eadhon ann am meadhon an teine.

Nahum 1:3

Tha an Tighearna mall a‑chum feirge, agus mòr ann an cumhachd, agus cha saor an Tighearna air chor air bith an t‑aingidh. Anns a’ chuairt-ghaoith agus anns an doininn tha a shlighe, agus is iad na neòil luaithre a chas.