Iob 37:4

Am Bìoball Gàidhlig 1992

Na dhèidh sin beucaidh guth: nì e tàirneanach le guth a mhòralachd; agus cha chùm e air an ais iad nuair a chluinnear a ghuth.

Iomraidhean Croise

Iob 26:14

Feuch, is iad sin cuid de a shlighean; ach cia beag a’ chuibhreann a chuala sinn dheth? Agus cò a dh’fhaodas tàirneanach a chumhachd a thuigsinn?

Iob 28:26

Nuair a rinn e reachd don uisge, agus slighe do dhealanach na tàirneanaich;

Iob 37:2

Eisdibh gu furachair ri fuaim a ghutha, agus an torman a thèid a‑mach as a bheul.

Iob 37:3

Fo na nèamhan uile stiùraidh e e, agus a dhealanach gu crìochan na talmhainn.

Iob 37:5

Nì Dia tàirneanach le a ghuth gu h‑iongantach; nì e nithean mòra do‑thuigsinn.

Iob 40:9

A bheil gàirdean agad cosmhail ri Dia? No an dèan thu tàirneanach le guth cosmhail ris-san?

Salm 18:14

Agus chuir e a‑mach a shaighdean, agus sgap e iad, agus thilg e mòran tein-adhair, agus chlaoidh e iad.

Salm 68:33

Dhàsan a tha a’ marcachd air nèamhan nan nèamh o chian! Feuch, tha e a’ cur a‑mach a ghutha, guth neirt.

Deuteronomi 33:26

Chan eil neach cosmhail ri Dia Iesuruin, a tha a’ marcachd air nèamh ad chòmhnadh, agus na mhòrachd air na speuran.