Iob 34:8

Am Bìoball Gàidhlig 1992

A dh’imicheas ann an cuideachd luchd-dèanamh na h‑euceirt, agus a shiùbhlas le droch dhaoine.

Iomraidhean Croise

Iob 11:3

An toir do bhreugan-sa air daoine a bhith nan tosd? Agus nuair a nì thu fanaid, nach cuir duine air bith nàire ort?

Iob 15:5

Oir teagaisgidh aingidheachd do bheul, agus roghnaichidh tu teanga nan cuilbheartach.

Iob 2:10

Ach thubhairt esan rithe, Mar a labhras aon de na mnathan amaideach tha thu a’ labhairt: seadh, an gabh sinn math o làimh Dhè, agus nach gabh sinn olc? An seo uile cha do pheacaich Iob le a bhilean.

Iob 22:15

An tug thu fa‑near an t‑slighe o shean, air an d’imich daoine aingidh;

Iob 34:9

Oir thubhairt e, Chan eil tairbhe ann do dhuine tlachd a ghabhail ann an Dia.

Salm 1:1

Is beannaichte an duine sin nach gluais ann an comhairle nan aingidh, agus nach seas ann an slighe nam peacach, agus nach suidh ann an cathair luchd-fanaid:

Salm 26:4

Cha do shuidh mi le daoine mealltach, agus maille ri luchd-ceilge cha tèid mi a‑steach.

Salm 50:18

Ma chunnaic thu gadaiche, dh’aontaich thu leis, agus maille ri luchd adhaltranais bha do chuibhreann.

Gnàth-fhacal 1:15

A mhic, na imich thusa anns an t‑slighe maille riu; cùm air a h‑ais do chas on ceum.

Gnàth-fhacal 13:20

An tì a shiùbhlas le daoine glice, bidh e glic; ach sgriosar companach nan amadan.

Gnàth-fhacal 2:12

Gud shaoradh o shlighe an droch dhuine; on duine a labhras nithean fiara;

Gnàth-fhacal 4:14

Na gabh a‑steach do rathad nan aingidh, agus na imich ann an slighe dhroch dhaoine.

1 Corintianach 15:33

Na meallar sibh: truaillidh droch choluadar deagh bheusan.