Iob 32:8

Am Bìoball Gàidhlig 1992

Ach tha spiorad anns an duine, agus bheir anail an Uile-chumhachdaich tuigse dha.

Iomraidhean Croise

Genesis 41:38

Agus thubhairt Phàraoh ra sheirbhisich, A bheil e an comas dhuinn a leithid seo de dhuine fhaotainn, anns a bheil spiorad Dhè?

Genesis 41:39

Agus thubhairt Phàraoh ri Iòseph, A‑thaobh gun d’fhoillsich Dia seo uile dhut, chan eil neach ann cho tuigseach agus cho glic riut fhèin:

1 Rìgh 3:12

Feuch, rinn mise a rèir do bhriathran: feuch, thug mi dhut cridhe glic agus tuigseach, air chor is nach robh neach air bith romhad cosmhail riut, agus nach mò a dh’èireas ad dhèidh neach air bith cosmhail riut.

1 Rìgh 3:28

Agus chuala Israel uile a bhreith a thug an rìgh, agus bha eagal orra ron rìgh; oir chunnaic iad gu robh gliocas Dhè ann, a dhèanamh breitheanais.

1 Rìgh 4:29

Agus thug Dia gliocas do Sholamh, agus tuigse ro‑mhòr, agus farsaingeachd cridhe mar a’ ghaineamh a tha air tràigh na mara.

1 Rìgh 5:9

Bheir mo sheirbhisich sìos iad o Lebanon a dh’ionnsaigh na mara: agus cuiridh mi air falbh iad nan ràthan air muir, gu ruig an t‑àit a shònraicheas tu dhomh, agus cuiridh mi air tìr iad an sin, agus bheir thusa leat iad; agus nì thu mo riar ann am biadh a thabhairt dom theaghlach.

Iob 12:13

Maille ris-san tha gliocas agus neart; aigesan tha comhairle agus tuigse.

Iob 12:16

Aigesan tha neart agus gliocas: is leis-san esan a mheallar, agus esan a mheallas.

Iob 27:3

Cho fad is a bhios m’anail annam, agus spiorad Dhè ann am chuinneinean,

Iob 33:16

An sin fosglaidh e cluasan dhaoine, agus seulaichidh e an teagasg,

Iob 33:4

Rinn spiorad Dhè mi, agus thug anail an Uile-chumhachdaich beatha dhomh.

Iob 35:11

A tha gar teagasg nas mò na ainmhidhean na talmhainn, agus gar dèanamh nas glice na eunlaith nan speur?

Iob 38:36

Cò a chuir gliocas anns an taobh a‑staigh? No cò a thug tuigse don chridhe?

Gnàth-fhacal 2:6

Oir bheir an Tighearna gliocas; as a bheul thig eòlas agus tuigse.

Gnàth-fhacal 20:27

Is e spiorad duine lòchran an Tighearna, a’ sgrùdadh gach ionaid an taobh a‑staigh den chom.

Eclesiastes 2:26

Oir don duine a tha math na shealladh, bheir Dia gliocas, agus eòlas, agus aoibhneas: ach don pheacach bheir e saothair, a chruinneachadh agus a chàrnadh suas, a‑chum gun tabhair e don tì a tha math ann am fianais Dhè. Is dìomhanas seo mar an ceudna, agus buaireadh spioraid.

Isaiah 28:26

Oir bidh a Dhia ag ionnsachadh eòlais dha, agus ga theagasg.

Daniel 1:17

A‑thaobh nan ceathrar chloinne seo, thug Dia dhaibh eòlas agus tuigse anns a h‑uile fòghlam agus gliocas: agus bha tuigse aig Daniel anns na h‑uile sheallaidhean agus bhruadairean.

Daniel 2:21

Agus atharraichidh e na h‑àmannan, agus na h‑aimsirean: atharraichidh e rìghrean, agus cuiridh e suas rìghrean: bheir e gliocas don ghlic, agus eòlas dhaibhsan don aithne tuigse.

1 Corintianach 12:8

Oir do aon duine tha facal a’ ghliocais air a thoirt leis an Spiorad: agus do dhuine eile facal an eòlais leis an Spiorad cheudna;

2 Timòteus 3:16

Tha an sgriobtar uile air a dheachdadh le Spiorad Dhè, agus tha e tairbheach a‑chum teagaisg, a‑chum spreigeadh, a‑chum leasachaidh, a‑chum oilein ann am fìreantachd:

Seumas 1:5

Ma tha aon neach agaibh a dh’uireasbhaidh gliocais, iarradh e o Dhia, a bheir do gach neach gu pailt, agus nach dèan maoidheadh; agus bheirear dha e.