Iob 32:6

Am Bìoball Gàidhlig 1992

Agus fhreagair Elihu mac Bharacheil am Busitheach, agus thubhairt e, Tha mise òg, agus sibhse aosmhor; uime sin bha eagal orm, agus bha mi sgàthach mum bharail a nochdadh dhuibh.

Iomraidhean Croise

Iob 12:12

Anns na h‑aosda tha gliocas; agus ann am fad làithean tuigse.

Iob 15:10

Tha araon an ceann-liath agus an t‑aosmhor nar measg-ne nas sine gu mòr na d’athair.

Iob 15:7

An tusa an ciad duine a rugadh? No ro na cnocan an do rinneadh thu?

Iob 32:2

Agus las fearg Elihu mhic Bharacheil am Busitheach, de chinneadh Ram; an aghaidh Iob las a fhearg, a chionn gun d’fhìreanaich e e fhèin nas mò na Dia.

Iob 32:5

Nuair a chunnaic Elihu nach robh freagradh air bith ann am beul an triùir dhaoine seo, an sin las a fhearg.

Iob 34:1

A thuilleadh air seo fhreagair Elihu, agus thubhairt e,

Iob 35:1

Fhreagair Elihu a‑rìs, agus thubhairt e,

Iob 36:1

Agus chaidh Elihu air aghaidh, agus thubhairt e,

Lebhiticus 19:32

An làthair a’ chinn lèith èiridh tu suas, agus bheir thu urram do ghnùis an duine aosda, agus bidh eagal do Dhè ort: Is mise an Tighearna.

Ròmanaich 13:7

Air an adhbhar sin thugaibh do na h‑uile an dlighe fhèin: càin dhàsan don dlighear càin, cìs dhàsan don dlighear cìs, eagal dhàsan don dlighear eagal, agus urram dhàsan don dlighear urram.

1 Timòteus 5:1

Na garg-chronaich seanair, ach cuir impidh air mar athair, agus air na h‑òigfhir mar bhràithrean;

Tìtus 2:6

Cuir impidh air na daoine òga mar an ceudna, iad a bhith ciallach.

1 Peadar 5:5

Mar an ceudna, a dhaoine òga, bithibh umhail do na seanairean: seadh, bithibh uile umhail da chèile, agus bithibh air ur sgeadachadh le irioslachd: oir tha Dia a’ cur an aghaidh nan uaibhreach, ach a’ toirt gràis dhaibhsan a tha iriosal.