Iob 3:22

Am Bìoball Gàidhlig 1992

A nì aoibhneas ro‑mhòr, a nì luath-ghaire nuair a gheibh iad an uaigh:

Iomraidhean Croise

Iob 11:20

Ach fàilnichidh sùilean nan aingidh, agus dol as cha bhi aca; agus bidh an dòchas mar thoirt suas an deò.

Iob 21:33

Bidh fòidean a’ ghlinne milis dha, agus tàirngidh gach duine na dhèidh, mar a tha iad do‑àireamh roimhe.

Iob 3:21

A tha a’ gabhail fadail airson a’ bhàis, ach chan eil e a’ teachd: agus a chladhaicheas air a shon nas mò na airson ionmhais fhalaichte:

Iob 3:23

Don duine aig a bheil a shlighe falaichte, agus a dhruid Dia suas air gach taobh?

Iob 6:10

An sin bhiodh furtachd agam fhathast, ged bhithinn air mo chruadhachadh ann an do‑bhròn, agus nach caomhnadh e; oir cha do cheil mi briathran an Aoin naoimh.

Iob 6:8

O nach tugte dhomh m’athchuinge; agus gun deònaicheadh Dia dhomh mo mhiann!

Iob 7:15

Agus is fheàrr lem anam tachdadh, bàs na beatha.

Eclesiastes 4:2

Uime sin mhol mi na mairbh a dh’eug cheana nas mò na na beòthan a tha beò fhathast.

Eclesiastes 4:3

Ach is fheàrr na iad le chèile an tì nach robh ann fhathast, nach faca an droch obair a nìthear fon ghrèin.

Ieremiah 8:3

Agus bidh bàs nas roghnaiche na beatha leis an uile fhuidheall a mhaireas den teaghlach olc seo, a bhios nam fuidheall anns gach uile àite gus am fògair mise iad, deir Tighearna nan sluagh.