Iob 26:7

Am Bìoball Gàidhlig 1992

Tha e a’ sìneadh na h‑àird a tuath os cionn an ionaid fhalaimh, a’ crochadh na talmhainn air neoni;

Iomraidhean Croise

Iob 38:6

Ciod air a bheil a bhunaitean air an daingneachadh, no cò a leag a chlach-oisinn,

Iob 9:8

A sgaoileas a‑mach na nèamhan na aonar, agus a shaltras air tonnan na fairge:

Salm 24:2

Oir shuidhich e air na cuantan e, agus shocraich e air na sruthan e.

Salm 89:12

Chruthaich thusa an àird a tuath agus an àird a deas; nì Tabor agus Hermon gàirdeachas ann ad ainm.

Salm 89:13

Agadsa tha gàirdean neartmhor; is làidir do làmh, is àrd do dheaslàmh.

Isaiah 40:21

Nach d’fhuair sibh fios? Nach cuala sibh sgeul? Nach do chuireadh an cèill dhuibh o thùs? Nach do thuig sibh o leagadh bunaitean na talmhainn?

Isaiah 40:22

Is esan a tha na shuidhe air cuairt na talmhainn, agus tha a luchd-àiteachaidh mar fhionnain-fheòir; a tha a’ sìneadh a‑mach nan nèamhan mar sgàil thana, agus gan sgaoileadh mar bhùth anns an gabhar còmhnaidh;

Isaiah 40:26

Togaibh ur sùilean an àird, agus feuchaibh, cò a chruthaich iad seo: Esan a bheir a‑mach an armailtean air àireamh; a ghairmeas orra uile air an ainm; tro mheud a neirt agus treise a chumhachd, cha bhi aon air chall.

Isaiah 42:5

Mar seo deir an Tighearna Dia, esan a chruthaich na nèamhan, agus a shìn a‑mach iad; a sgaoil a‑mach an talamh agus na chinneas as; a tha a’ tabhairt anail don t‑sluagh a tha air, agus deò dhaibhsan a tha ag imeachd air:

Sechariah 12:1

Fàistneachd facal an Tighearna. A‑thaobh Israeil, tha an Tighearna ag ràdh, a tha a’ sgaoileadh a‑mach nan nèamh, agus a’ suidheachadh stèidh na talmhainn, agus a’ cruthachadh spiorad duine an taobh a‑staigh dheth: