Iob 26:10

Am Bìoball Gàidhlig 1992

Chuartaich e na h‑uisgeachan le crìochan, gus an teirig an là maille ris an oidhche.

Iomraidhean Croise

Genesis 8:22

Am feadh a mhaireas an talamh, cha sguir àm an t‑sìl-chur agus foghar, agus fuachd agus teas, agus samhradh agus geamhradh, agus là agus oidhche.

Iob 26:11

Criothnaichidh puist nan nèamh, agus bidh uamhas orra ra achmhasan.

Iob 38:1

An sin fhreagair an Tighearna Iob as a’ chuairt-ghaoith, agus thubhairt e,

Iob 38:19

Càit a bheil an t‑slighe anns an còmhnaich an solas? Agus an dorchadas, càit a bheil a ionad-san?

Iob 38:20

Gun gabhadh tu e ga chrìch, agus gum b’aithne dhut na ceuman a dh’ionnsaigh a thaighe?

Iob 38:24

Cia an rathad a dhealaichear an solas, a sgaoileas a’ ghaoth an ear air an talamh?

Salm 33:7

Càrnaidh e suas mar thòrr uisgeachan na fairge; cuiridh e an doimhne suas na thaighean-tasgaidh.

Gnàth-fhacal 8:27

Nuair a dheasaich e na nèamhan, bha mi an sin; nuair a tharraing e cuairt air aghaidh na doimhne;

Gnàth-fhacal 8:29

Nuair a thug e a reachd don fhairge, nach rachadh na h‑uisgeachan thar a aithne; nuair a shuidhich e bunaitean na talmhainn;

Ieremiah 5:22

Nach bi eagal oirbh romhamsa, deir an Tighearna? Nach criothnaich sibh ann am làthair-sa, a shuidhich a’ ghaineamh mar chrìch don fhairge, le òrdagh buan, nach faod i dol thairte: ged luaisg a tuinn iad fhèin, cha toir iad buaidh; ged bheuc iad, cha tèid iad nas fhaide?