Iob 20:8

Am Bìoball Gàidhlig 1992

Mar aisling grad-shiùbhlaidh e, agus chan fhaighear e; agus teichidh e mar shealladh na h‑oidhche:

Iomraidhean Croise

Esteir 7:10

Agus chroch iad Hàman air a’ chroich a dheasaich e do Mhordecai. Agus thraogh fearg an rìgh.

Iob 18:11

Air gach taobh cuiridh uamhasan eagal air, agus fuadaichidh iad air a chasan e.

Iob 18:18

Fògrar e o sholas gu dorchadas, agus as an t‑saoghal tilgear e.

Iob 27:20

Glacaidh uamhasan e mar uisgeachan: anns an oidhche goididh doineann air falbh e.

Iob 7:21

Agus carson nach maith thu m’easaontas, agus nach cuir thu air falbh m’euceart? Oir a‑nis anns an duslach caidlidh mi; agus iarraidh tu mi anns a’ mhadainn, ach cha bhi mi ann.

Iob 7:8

Sùil an tì a chunnaic mi, chan fhaic i mi: bidh do shùilean orm, agus cha bhi mi ann.

Salm 18:10

Agus mharcaich e air cerub, agus chaidh e air iteig, agus dh’itealaich e air sgiathan na gaoithe.

Salm 73:20

Mar aisling nuair a dhùisgeas neach, a Thighearna, anns a’ bhaile nì thu tarcais air an dealbh.

Salm 90:10

Tha làithean ar bliadhnachan nan trì-fichead bliadhna agus a deich; agus le tuilleadh neirt ma bhios ceithir-fichead ann, is saothair agus doilgheas an spionnadh, oir gearrar as e gu grad agus siùbhlaidh sinn.

Salm 90:5

Dh’fhuadaich thu iad mar le sruth; mar chadal tha iad; anns a’ mhadainn tha iad mar fheur a dh’fhàsas suas.

Gnàth-fhacal 10:25

Mar a thèid an iomaghaoth thairis, mar sin cha bhi an droch dhuine nas mò; ach is bunait sìorraidh am fìrean.

Daniel 11:19

An sin tionndaidhidh e a aghaidh ri daingneach a thìre fhèin: ach gheibh e tuisleadh agus leagadh, agus cha bhi e ri fhaotainn.