Iob 18:5

Am Bìoball Gàidhlig 1992

Seadh, cuirear solas an aingidh as: agus cha dealraich lasair a theine.

Iomraidhean Croise

Iob 15:30

Cha triall e à dorchadas; tiormaichidh lasair a mheanglan; agus siùbhlaidh e le anail a bheòil.

Iob 18:4

Tha e a’ reubadh anama na chorraich: air do shon-sa an trèigear an talamh? Agus an atharraichear a’ charraig as a h‑àite?

Iob 20:5

Gur geàrr caithreim nan aingidh, agus nach eil gàirdeachas a’ chealgair ach car tiota?

Iob 21:17

Cia minig a chuirear coinneal nan aingidh as? Agus a thig an sgrios orra? Roinnidh Dia doilgheasan na fheirg.

Gnàth-fhacal 13:9

Nì solas nam fìrean aoibhneach; ach cuirear as lòchran nan aingidh.

Gnàth-fhacal 20:20

Ge bè mhallaicheas a athair, no a mhàthair, cuirear as a lòchran ann an duibhre dorchadais.

Gnàth-fhacal 21:4

Is peacach sealladh àrd, agus cridhe uaibhreach, lòchran nan aingidh.

Gnàth-fhacal 24:20

Oir cha bhi crìoch mhath air an droch dhuine; cuirear lòchran nan aingidh as.

Gnàth-fhacal 4:19

Tha slighe nan aingidh mar dhorchadas: chan aithne dhaibh ciod air a bheil iad a’ tuisleachadh.

Isaiah 50:11

Feuch, sibhse uile a tha a’ fadadh teine, a tha gur cuartachadh fhèin le sradan; siùbhlaibh ann an solas ur teine, agus nan sradan a las sibh; seo gheibh sibh om làimh-sa, laighidh sibh sìos ann an doilgheas.

Isaiah 57:20

Ach tha na h‑aingidh cosmhail ris a’ mhuir bhuairte, oir chan urrainn i a bhith aig fois, ach tha a h‑uisgeachan a’ dùsgadh a‑nìos salchair agus làthaich.

Eseciel 32:7

Agus nuair a chuireas mi as thu, falaichidh mi na nèamhan, agus nì mi an reultan dorcha: còmhdaichidh mi a’ ghrian le neul, agus cha toir a’ ghealach seachad a solas.