Iob 16:9

Am Bìoball Gàidhlig 1992

Reub a chorraich mi, agus tha fuath aige dhomh: chas e a fhiaclan rium; tha mo nàmhaid a’ geurachadh a shùl orm.

Iomraidhean Croise

Iob 13:24

Carson a tha thu a’ falach do ghnùise, agus gam mheas mar nàmhaid dhut?

Iob 13:27

Agus tha thu a’ cur mo chas anns a’ cheap, agus a’ geur-amharc air mo shlighean gu lèir, agus a’ cur chomharraidhean air bonnan mo chas.

Iob 18:4

Tha e a’ reubadh anama na chorraich: air do shon-sa an trèigear an talamh? Agus an atharraichear a’ charraig as a h‑àite?

Iob 19:11

Agus las a fhearg am aghaidh, agus mheas e mi mar aon de a naimhdean.

Iob 30:21

Tha thu air fàs an‑iochdmhor rium; le neart do làimhe tha thu gad chur fhèin am aghaidh.

Iob 33:10

Feuch, tha e a’ faghail chùisean am aghaidh; tha e gam mheas mar a nàmhaid;

Iob 6:4

Oir tha saighdean an Uile-chumhachdaich annam, agus tha an nimh ag òl suas mo spioraid: tha uamhasan Dhè gan cur fhèin an òrdagh catha am aghaidh.

Salm 35:16

Le luchd dian-mhagaidh cealgach, chas iad am fiaclan rium.

Salm 37:12

Tha an t‑aingidh a’ cumadh uilc don ionraic, agus a’ casadh a fhiaclan ris.

Salm 50:22

Smaoinichibh a‑nis air seo, sibhse nach cuimhnich Dia, air eagal gun reub mi as a chèile, gun neach ann a theasairgeas.

Tuireadh Ieremiah 2:16

Dh’fhosgail do naimhdean uile am beul ad aghaidh: rinn iad sgeig is gìosgan fhiacal; thubhairt iad, Shluig sinn suas i; gu cinnteach is e seo an là ri an robh ar sùil: fhuair sinn e, chunnaic sinn e.

Tuireadh Ieremiah 3:10

Mar mhath-ghamhainn a’ laighe am falach bha e dhomh, mar leòmhann ann an ionadan uaigneach.

Hosèa 5:14

Gu deimhinn bidh mise mar leòmhann do Ephraim, agus mar leòmhann òg do thaigh Iùdah: reubaidh mise, eadhon mise fhèin, agus imichidh mi romham; bheir mi leam, agus cha bhi aon neach ann a thèarnas.

Hosèa 6:1

Thigibh agus tilleamaid ris an Tighearna: oir is esan a reub, agus is e a nì ar leigheas; is e a bhuail, agus ceanglaidh e suas sinn.

Micah 7:8

Na dèan gàirdeachas am aghaidh, O mo nàmhaid; ged thuit mi, èiridh mi; ged shuidheam ann an dorchadas, bidh an Tighearna na sholas dhomh.

Gnìomharan 7:54

Nuair a chuala iad na nithean sin, bha iad air an gonadh nan cridhe, agus chas iad am fiaclan ris.