Iob 16:8

Am Bìoball Gàidhlig 1992

Agus rinn thu mi làn phreasag-aodainn; mar fhianais tha sin: agus dh’èirich mo chaoile am aghaidh; rim aodann freagraidh i.

Iomraidhean Croise

Iob 10:17

Tha thu ag ath-nuadhachadh d’fhianaisean am aghaidh, agus a’ meudachadh do chorraich rium; tha caochladh agus cogadh am aghaidh.

Iob 17:7

Agus dhorchaich mo shùil le bròn, agus tha mo bhuill uile mar sgàil.

Iob 19:20

Rim chraiceann agus rim fheòil dhlùth-lean mo chnàmhan; agus chaidh mi as le craiceann m’fhiacal.

Iob 33:21

Caithear a fheòil air chor is nach faicear i; agus a chnàmhan nach facas, seasaidh a‑mach.

Salm 106:15

Agus thug e dhaibh an iarrtas, ach chuir e caoile air an anam.

Salm 109:24

Tha mo ghlùinean lag le trasgadh, agus tha m’fheòil a’ teireachdainn le dìth sulta.

Isaiah 10:16

Air an adhbhar sin cuiridh an Tighearna, Tighearna nan sluagh, caoile air a’ mhuinntir reamhair; agus fo a òirdheirceas fadaidh e losgadh, mar losgadh teine.

Isaiah 24:16

O iomall na talmhainn chuala sinn òrain, eadhon glòir don fhìrean; ach thubhairt mise, Mo chaoile, mo chaoile, mo thruaighe mi! Tha na mealltairean a’ mealladh, seadh le foill tha na mealltairean a’ mealladh.

Ephèsianach 5:27

A‑chum gun cuireadh e na làthair fhèin i na h‑eaglais ghlòrmhoir, gun smal, gun phreasadh, no nì air bith de an leithidean sin; ach a‑chum gum biodh i naomh, agus neo-lochdach.

Rut 1:21

Chaidh mi a‑mach làn, agus thug an Tighearna air m’ais mi falamh. Carson, matà, a their sibh Naòmi rium, agus gun tug an Tighearna fianais am aghaidh, agus gun do chuir an t‑Uile-chumhachdach fo àmhghar mi?