Iob 15:23

Am Bìoball Gàidhlig 1992

Tha e ag imeachd mun cuairt airson arain, ag ràdh, Càit a bheil e? Tha fhios aige gu bheil là an dorchadais deas aig a làimh.

Iomraidhean Croise

Genesis 4:12

Nuair a shaothraicheas tu an talamh, cha toir e dhut à seo suas a neart; ad fhògarrach agus ad fhear-fuadain bidh tu air an talamh.

Iob 15:22

Cha chreid e gun till e as an dorchadas; agus feithear air leis a’ chlaidheamh.

Iob 15:24

Cuiridh teanntachd agus àmhghar uamhas air: buadhaichidh iad air, mar rìgh deas a‑chum catha.

Iob 15:30

Cha triall e à dorchadas; tiormaichidh lasair a mheanglan; agus siùbhlaidh e le anail a bheòil.

Iob 18:12

Bidh a neart air a chlaoidh le acras, agus lèirsgrios deas aig a thaobh.

Iob 18:18

Fògrar e o sholas gu dorchadas, agus as an t‑saoghal tilgear e.

Salm 109:10

A‑ghnàth air seachran biodh a chlann, agus iarradh iad dèirc, agus sireadh iad as an àitean fàs.

Salm 59:15

Gabhaidh iad a‑null agus a‑nall airson bìdh, agus mura sàsaichear iad, nì iad gearan.

Salm 59:16

Ach seinnidh mise mud neart, agus àrd-mholaidh mi anns a’ mhadainn do thròcair; oir bu tusa mo dhaingneach agus mo dhìdean ann an là mo theanntachd.

Gnàth-fhacal 10:3

Cha leig an Tighearna le anam an ionraic gort fhulang; ach sgaoilidh e maoin nan aingidh.

Gnàth-fhacal 16:4

Rinn an Tighearna gach nì air a shon fhèin, agus mar an ceudna an t‑aingidh airson là an uilc.

Eclesiastes 11:8

Ach ma mhaireas duine iomadh bliadhna, agus gun dèan e gàirdeachas annta uile, gidheadh cuimhnicheadh e làithean an dorchadais, gum bi iad lìonmhor. Is dìomhanas gach nì a thig.

Tuireadh Ieremiah 5:6

Thug sinn an làmh do na h‑Eiphitich, agus do na h‑Asirianaich, a‑chum a bhith air ar sàsachadh le aran.

Tuireadh Ieremiah 5:9

Fhuair sinn ar n‑aran le cunnart ar n‑anama, do bhrìgh claidheamh an fhàsaich.

Ioel 2:2

Là dorchadais agus oglaidheachd: là neul agus tiugh-dhorchadais; mar an doilleireachd air a sgaoileadh air na slèibhtean, thig sluagh lìonmhor agus làidir: an leithid cha robh ann o shean, agus cha bhi nas mò nan dèidh, eadhon gu bliadhnachan mòran ghinealach.

Amos 5:20

Nach bi là an Tighearna na dhorchadas, agus chan ann na sholas? Eadhon ro‑dhorcha, agus gun soilleireachd air bith ann?

Sephaniah 1:15

Is là feirge an là sin, là trioblaid agus teanntachd; là fàsalachd agus lèirsgrios; là dorchadais agus oglaidheachd; là neul agus tiugh-dhorchadais;

Eabhraidhich 10:27

Ach dùil eagalach ri breitheanas, agus feirg theinntich, a sgriosas na h‑eascairdean.