Iob 13:12

Am Bìoball Gàidhlig 1992

Tha ur cuimhne cosmhail ri luaithre, mar chuirp creadha ur cuirp.

Iomraidhean Croise

Genesis 18:27

Agus fhreagair Abrahàm agus thubhairt e, Feuch a‑nis, ghabh mi orm fhèin labhairt rim Thighearna, agus gun annam ach duslach agus luaithre:

Genesis 2:7

Agus dhealbh an Tighearna Dia an duine de dhuslach na talmhainn: agus shèid e ann an cuinneinean a shròine anail na beatha; agus dh’fhàs an duine na anam beò.

Iob 13:11

Nach cuir a òirdhearcas-san eagal oirbh? Agus nach tuit a uamhann-san oirbh?

Iob 13:13

Bithibh nur tosd am thaobh-sa, agus labhraidh mi, agus thigeadh orm na dh’fhaodas.

Iob 18:17

Sgriosar a chuimhne as an talamh, agus cha bhi ainm aige air an t‑sràid.

Iob 21:34

Cionnas, matà, a tha sibh a’ tabhairt comhfhurtachd dhomh gu dìomhain, nuair a tha cealg nur freagradh?

Iob 27:1

Agus bhuanaich Iob na chosamhlachd a labhairt a‑mach, agus thubhairt e,

Iob 29:1

Agus bhuanaich Iob na chosamhlachd a labhairt a‑mach, agus thubhairt e,

Iob 4:19

Nach lugha na sin asdasan, a tha nan còmhnaidh ann an taighean creadha, aig a bheil am bunait anns an duslach, a bhruthar ron leòmann?

Salm 102:12

Ach mairidh tusa, a Thighearna, gu bràth, agus do chuimhne o linn gu linn.

Salm 109:15

Biodh iad am fianais an Tighearna a‑ghnàth, agus gearradh e as an cuimhne on talamh.

Salm 34:16

Tha gnùis an Tighearna an aghaidh luchd-dèanamh uilc, a‑chum an cuimhne a ghearradh as on talamh.

Ecsodus 17:14

Agus thubhairt an Tighearna ri Maois, Sgrìobh seo mar chuimhneachan ann an leabhar, agus aithris e ann an cluasan Iosua; oir dubhaidh mise as gu tur cuimhne Amaleic o bhith fo nèamh.

Gnàth-fhacal 10:7

Bidh cuimhne an fhìrein beannaichte; ach lobhaidh ainm nan aingidh.

Isaiah 26:14

Tha iad marbh, cha tig iad beò; dh’eug iad, chan èirich iad; uime sin dh’fhiosraich agus mhill thu iad, agus sgrios thu as an cuimhne gu tur.

2 Corintianach 5:1

Oir tha fhios againn, nan sgaoilte o chèile ar taigh talmhaidh a’ phàillein seo, gu bheil againn aitreabh o Dhia, taigh nach do thogadh le làmhan, sìorraidh anns na nèamhan.