Iob 12:13

Am Bìoball Gàidhlig 1992

Maille ris-san tha gliocas agus neart; aigesan tha comhairle agus tuigse.

Iomraidhean Croise

Iob 11:6

Agus nach nochdadh e dhut nithean diamhair a’ ghliocais, gu bheil iad dùbailte na tha ann! Biodh fhios agad uime sin gu bheil Dia gad agairt airson d’euceirt.

Iob 12:16

Aigesan tha neart agus gliocas: is leis-san esan a mheallar, agus esan a mheallas.

Iob 26:12

Le a chumhachd roinnidh e an fhairge, agus le a thuigse buailidh e an t‑uaibhreach.

Iob 36:5

Feuch, tha Dia cumhachdach, agus cha dèan e tàir; cumhachdach ann an neart le gliocas.

Iob 38:36

Cò a chuir gliocas anns an taobh a‑staigh? No cò a thug tuigse don chridhe?

Iob 9:4

Glic ann an cridhe, agus treun ann an neart, cò a chruadhaich e fhèin na aghaidh, agus a shoirbhich?

Salm 147:5

Is mòr an Tighearna, agus is mòr a chumhachd; tha a thuigse gun tomhas.

Gnàth-fhacal 8:14

Is leamsa comhairle, agus fìor ghliocas: is leamsa tuigse; is leamsa neart;

Isaiah 31:2

Ach tha Esan glic, agus bheir e olc orra, agus cha chuir e a fhacal air chùl; ach èiridh e an aghaidh taigh nan aingidh agus an aghaidh cobhair na muinntir a tha a’ dèanamh euceirt.

Isaiah 46:10

A’ foillseachadh na crìche on tùs, agus on aimsir chèin; nan nithean nach eil fhathast dèante; ag ràdh, Seasaidh mo chomhairle, agus gach nì as àill leam nì mi:

Ieremiah 10:12

Rinn esan an talamh le a chumhachd, shocraich e an saoghal le a ghliocas, agus le a thuigse sgaoil e a‑mach na nèamhan.

Daniel 2:20

Fhreagair Daniel, agus thubhairt e, Beannaichte gu robh ainm Dhè gu saoghal nan saoghal; oir is leis-san gliocas agus cumhachd.

Lùcas 21:15

Oir bheir mise dhuibh beul agus gliocas, nach bi ur naimhdean uile comasach air labhairt no cur na aghaidh.

Ròmanaich 11:34

Oir cò aig an robh fios inntinn an Tighearna, no cò a bu chomhairleach dha?

1 Corintianach 1:24

Ach dhaibhsan a tha air an gairm, araon Iùdhaich agus Greugaich, Crìosd cumhachd Dhè, agus gliocas Dhè:

Ephèsianach 1:11

Anns an d’fhuair sinne mar an ceudna oighreachd, air dhuinn a bhith air ar ro‑òrdachadh a rèir rùn an tì a tha ag obrachadh nan uile nithean a rèir comhairle a thoile fhèin;

Ephèsianach 1:8

Anns an robh e ro‑phailt dhuinn anns an uile ghliocas, agus thuigse;

Colosianach 2:3

Anns a bheil uile ionmhasan a’ ghliocais agus an eòlais falaichte.

Seumas 1:5

Ma tha aon neach agaibh a dh’uireasbhaidh gliocais, iarradh e o Dhia, a bheir do gach neach gu pailt, agus nach dèan maoidheadh; agus bheirear dha e.