Iob 11:8

Am Bìoball Gàidhlig 1992

Ard mar na nèamhan; ciod a nì thu? Nas doimhne na ifrinn; ciod as aithne dhut?

Iomraidhean Croise

2 Eachdraidh 6:18

Ach an gabh Dia da‑rìribh còmhnaidh maille ri daoine air an talamh? Feuch, cha chùm na nèamhan agus nèamhan nan nèamh thusa; cia as ro‑lugha na sin an taigh seo a thog mise?

Iob 11:9

Nas fhaide na an talamh a thomhas, agus nas leithne na an fhairge.

Iob 22:12

Nach eil Dia ann an àirde nan nèamh? Agus faic mullach nan rionnag, cia àrd a tha iad.

Iob 26:6

Lomnochd tha ifrinn na làthair, agus chan eil còmhdachadh air lèirsgrios.

Iob 35:5

Amhairc air na nèamhan, agus, feuch; agus faic na neòil as àirde na thu.

Iob 37:23

An t‑Uile-chumhachdach, chan urrainn sinn fhaghail a‑mach: tha e òirdheirc ann an cumhachd, agus ann am breitheanas, agus ann an làn cheartas: cha sàraich e.

Iob 38:17

An d’fhosgladh geatachan a’ bhàis dhut? No am faca tu dorsan sgàil a’ bhàis?

Iob 7:9

Caithear an neul, is thèid e as; mar sin esan a thèid sìos don uaigh, cha tig e a‑nìos.

Salm 103:11

Oir mar a tha na nèamhan àrd os cionn na talmhainn, mar sin tha a thròcair mòr don taobh-san don eagal e.

Salm 148:13

Moladh iad sin ainm an Tighearna, oir tha a ainm-san a‑mhàin urramach, tha a ghlòir os cionn na talmhainn agus nan nèamh.

Salm 36:6

Tha d’fhìreantachd mar na beanntan àrda, do bhreitheanais nan doimhne mhòir; gleidhidh tusa, a Thighearna, duine agus ainmhidh.

Gnàth-fhacal 30:4

Cò a chaidh suas do nèamh, no a thàinig a‑nuas? Cò a chruinnich a’ ghaoth na dhùirn? Cò a cheangail na h‑uisgeachan ann an trusgan? Cò a shuidhich uile chrìochan na talmhainn? Ciod as ainm dha? Agus ciod e ainm a mhic, ma tha fhios agad?

Isaiah 55:9

Oir mar tha na nèamhan àrd seach an talamh, mar sin tha mo shlighean-sa àrd seach ur slighean-se, agus mo smuaintean-sa seach ur smuaintean-se.

Amos 9:2

Ged chladhaich iad gu ruig an t‑ionad ìochdarach, as a sin bheir mo làmh-sa a‑nìos iad; ged thèid iad a suas gu nèamh, as a sin bheir mise a‑nuas iad: