Iob 11:13

Am Bìoball Gàidhlig 1992

Ma dheasaicheas tu do chridhe, agus gun sìn thu da ionnsaigh do làmhan;

Iomraidhean Croise

2 Eachdraidh 12:14

Agus rinn e olc, a chionn nach d’ullaich e a chridhe a dh’iarraidh an Tighearna.

2 Eachdraidh 19:3

Ach fhuaireadh nithean matha annad, a‑thaobh gun do chuir thu air falbh na doireachan as an tìr, agus gun d’ullaich thu do chridhe a dh’iarraidh Dhè.

Iob 15:12

Carson a tha do chridhe gad thoirt air falbh, agus carson a tha do shùilean a’ caogadh,

Iob 22:23

Ma thilleas tu a dh’ionnsaigh an Uile-chumhachdaich, togar suas thu; cuiridh tu euceart am fad od phàilleanan.

Iob 22:27

Nì thu ùrnaigh ris, agus èisdidh e riut, agus dìolaidh tu do bhòidean.

Iob 5:17

Feuch, is nèarrachd an duine a smachdaicheas Dia: air cronachadh an Uile-chumhachdaich, matà, na dèan-sa tàir.

Iob 5:8

Ach dh’iarrainn-sa a dh’ionnsaigh Dhè, agus a‑chum Dhè chuirinn mo ghuth:

Salm 143:6

Shìn mi mo làmhan riutsa; tha m’anam, mar thalamh tartmhor, an geall ort. Selah.

Salm 68:31

Thig àrd-uaislean as an Eiphit; sìnidh Etiopia a làmhan a‑mach gu luath ri Dia.

Salm 77:2

Ann an là mo theinn dh’iarr mi an Tighearna; shìneadh mo làmh a‑mach anns an oidhche gun sgur; dhiùlt m’anam sòlas a ghabhail.

Salm 78:8

Agus nach biodh iad mar an athraichean, nan ginealach reasgach agus ceannairceach, ginealach nach do shuidhich an cridhe gu ceart, agus nach robh an spiorad tairis do Dhia.

Salm 88:9

Tha mo shùil a’ fàilneachadh do bhrìgh m’àmhghair; ghairm mi ort, a Thighearna, gach là; shìn mi mo làmhan riut.

Ecsodus 9:29

Agus thubhairt Maois ris, Cho luath is a thèid mise a‑mach as a’ bhaile, sìnidh mì mo làmhan a‑mach a‑chum an Tighearna: agus sguiridh an tàirneanach, agus cha bhi a’ chlach-mheallain ann nas mò; a‑chum is gum bi fhios agad gur leis an Tighearna an talamh.

Tuireadh Ieremiah 3:41

Togamaid suas ar cridhe maille ri ar làmhan ri Dia anns na nèamhan.

Lùcas 12:47

Agus an seirbhiseach sin dom b’aithne toil a mhaighistir, agus nach d’ullaich e fhèin, agus nach do rinn a rèir a thoile, buailear e le mòran bhuillean.

1 Samuel 7:3

Agus labhair Samuel ri uile thaigh Israeil, ag ràdh, Ma thilleas sibh a dh’ionnsaigh an Tighearna le ur n‑uile chridhe, an sin cuiribh air falbh na diathan coimheach as ur measg, Bàalim agus Astarot: agus ullaichibh ur cridhe a‑chum an Tighearna, agus dèanaibh seirbhis dhàsan a‑mhàin, agus saoraidh e sibh à làimh nam Philisteach.