Iob 11:12

Am Bìoball Gàidhlig 1992

Agus b’àill leis an duine fhaoin a bhith glic, ged as ann mar loth asail fhiadhaich a bheirear duine.

Iomraidhean Croise

Iob 15:14

Cò e an duine, gum biodh e glan? Agus gun saoradh esan e fhèin, a rugadh o mhnaoi?

Iob 28:28

Agus thubhairt e ris an duine, Feuch, eagal an Tighearna, is e sin gliocas; agus an t‑olc a thrèigsinn, tuigse.

Iob 5:13

A tha a’ glacadh nan daoine glice nan cuilbheartachd fhèin, air chor is gun tilgear sìos comhairle nan daoine fiara.

Iob 6:5

An dèan am fiadh-asal sitrich os cionn feòir? An dèan an damh geum os cionn a innlinn?

Salm 144:4

Is cosmhail an duine ri dìomhanas; tha a làithean mar sgàil a ghabhas seachad.

Salm 39:11

Le achmhasain airson euceirt nuair a chronaicheas tu duine, bheir thu air a shnuadh caitheamh mar leòmann; gu deimhinn, is dìomhanas gach duine. Selah.

Salm 39:5

Feuch, mar leud boise rinn thu mo làithean, agus tha m’aois mar neoni ad fhianais: gu deimhinn, is dìomhanas gach duine da fheabhas. Selah.

Salm 51:5

Feuch, ann an euceart dhealbhadh mi, agus ann am peacadh ghabh mo mhàthair mi na broinn.

Salm 73:22

Agus bha mi baoth agus aineolach; mar ainmhidh bha mi ad làthair.

Salm 92:6

Chan eòl don amhlair, agus cha tuig an t‑amadan seo.

Eclesiastes 1:2

Dìomhanas nan dìomhanas! arsa an Searmonaiche; dìomhanas nan dìomhanas! Is dìomhanas na h‑uile nithean.

Eclesiastes 11:10

Uime sin atharraich doilgheas od chridhe, agus cuir olc air falbh od fheòil; oir is dìomhanas leanabachd agus òige.

Eclesiastes 3:18

Thubhairt mi ann am chridhe a‑thaobh staid clann nan daoine, gun glanadh Dia iad, agus gum faiceadh iad gur ainmhidhean iad fhèin.

Ieremiah 2:24

Mar asail fhiadhaich cleachdte ri fàsach, a thàirngeas a’ ghaoth suas na cuinneinean, ann an cìocras a h‑anama: an tràth a thig a miann, cò a thilleas i? Iadsan uile a bhios ga h‑iarraidh cha sgìthichear iad; an ceann a mìosa gheibh iad i.

Ròmanaich 1:22

Ag ràdh gur daoine glice iad fhèin, rinneadh amadain dhiubh:

Ròmanaich 12:16

Bithibh a dh’aon rùn da chèile. Na biodh ur cion air nithean àrda, ach cuiribh sibh fhèin ann an co‑inbhe riùsan a tha ìosal. Na bithibh glic nur barail fhèin.

Ephèsianach 2:3

Am measg an robh againn uile mar an ceudna ar caitheamh-beatha roimhe seo, ann an ana-miannan ar feòla, a’ dèanamh toil na feòla, agus nan smuaintean; agus bha sinn a‑thaobh nàdair nar cloinn na feirge, eadhon mar chàch.

Seumas 2:20

Ach, O dhuine dhìomhain, an àill leat fios fhaotainn gu bheil creideamh as eugmhais obraichean marbh?