Iob 11:11

Am Bìoball Gàidhlig 1992

Oir is aithne dha daoine faoine; agus nuair a chì e euceart, nach toir e fa‑near i?

Iomraidhean Croise

Iob 24:23

Bheir e dha a bhith ann an tèarainteachd, agus as a sin earbaidh e; ach tha a shùilean air an slighean.

Iob 28:24

Oir gu crìochan na talmhainn amhaircidh esan; fo na nèamhan uile chì e:

Iob 31:4

Nach eil e a’ faicinn mo shlighean, agus ag àireamh mo cheuman gu lèir?

Salm 10:11

Thubhairt e na chridhe, Dhìochuimhnich Dia; dh’fhalaich e a ghnùis; cha lèir dha siud am feasd.

Salm 10:14

Chunnaic thu e, oir is lèir dhut olc agus mìorun, a‑chum an dìoladh led làimh: ortsa fàgaidh an duine bochd e fhèin; is tu fear-cuideachaidh an dìlleachdain.

Salm 33:13

O na nèamhan amhaircidh an Tighearna a‑nuas; chì e uile chlann nan daoine.

Salm 35:22

Chunnaic thusa seo, a Thighearna; na bi ad thosd, a Thighearna, na bi fada uam.

Salm 94:11

Is fiosrach an Tighearna air smuaintean dhaoine, gur dìomhanas iad.

Eclesiastes 5:8

Ma chì thu fòirneart an duine bhochd, agus fiaradh breitheanais agus ceartais le làimh làidir ann am mòr-roinn, na biodh ioghnadh ort ris an nì seo: oir bheir an tì as àirde na an neach a tha àrd acasan an aire, agus tha iad ann as àirde na iadsan.

Hosèa 7:2

Agus chan eil iad a’ toirt fa‑near nan cridhe gur cuimhne leamsa an uile aingidheachd: a‑nis chuartaich an gnìomharan fhèin iad air gach taobh; tha iad fa chomhair m’aghaidh-sa.

Habacuc 1:13

Tha do shùilean nas glaine na gun seall thu air olc, agus chan fhaod thu amharc air aingidheachd: cuime a bheil thu ag amharc air luchd-ceannairc, agus a’ fantainn ad thosd nuair tha an t‑aingidh a’ slugadh suas an duine as ionraice na e fhèin?

Eabhraidhich 4:13

Agus chan eil creutair sam bith nach eil follaiseach na làthair-san: ach tha na h‑uile nithean lomnochd, agus fosgailte do shùilean an Tì dom feum sinn cunntas a thabhairt.

Taisbeanadh 2:23

Agus marbhaidh mi a clann leis a’ bhàs; agus bidh fhios aig na h‑eaglaisean uile gur mise an Tì sin a sgrùdas na h‑àirnean agus na cridheachan: agus bheir mi do gach aon agaibhse a rèir ur n‑obraichean.