Iob 10:3

Am Bìoball Gàidhlig 1992

Am math leat gun sàraicheadh tu? Gun dèanadh tu tàir air obair do làmh? Agus gun dealraicheadh tu air comhairle nan aingidh?

Iomraidhean Croise

Iob 10:8

Shaothraich do làmhan-sa mi, agus rinn iad mi coicheart mun cuairt; agus an sgrios thu mi?

Iob 14:15

Gairmidh tusa, agus freagraidh mise thu: air obair do làmh bidh dèidh agad.

Iob 15:13

Gu bheil thu a’ tionndadh do spioraid an aghaidh Dhè, agus a’ leigeadh an leithidean sin de bhriathran a‑mach as do bheul?

Iob 16:11

Thug Dia mi thairis don an‑diadhaidh, agus an làimh nan aingidh thilg e mi.

Iob 19:6

Biodh fhios agaibh a‑nis gun do thilg Dia thairis mi, agus gun do chuir e a lìon mun cuairt orm.

Iob 21:16

Feuch, chan eil am math nan làimh: tha comhairle nan aingidh fada uamsa.

Iob 22:18

Gidheadh lìon e an taighean le nithean matha: ach guma fada a bhios comhairle nan aingidh uamsa.

Iob 27:2

Mar as beò Dia a thug air falbh mo bhreitheanas, agus an t‑Uile-chumhachdach a chràidh m’anam,

Iob 30:21

Tha thu air fàs an‑iochdmhor rium; le neart do làimhe tha thu gad chur fhèin am aghaidh.

Iob 31:15

Nach e an tì a rinn mise anns a’ bhroinn, a rinn esan? Agus nach aon a dhealbh sinn anns a’ bhroinn?

Iob 33:4

Rinn spiorad Dhè mi, agus thug anail an Uile-chumhachdaich beatha dhomh.

Iob 40:2

An teagaisg esan a nì strì ris an Uile-chumhachdach? Esan a thagras ri Dia, freagradh e air a shon.

Iob 40:8

An toir thusa mo bhreitheanas-sa gu neoni? An dìt thu mise, a‑chum gun saorar thu fhèin?

Iob 8:20

Feuch, cha tilg Dia air falbh an duine foirfe, agus cha ghabh e greim de làimh nan daoine aingidh:

Iob 9:22

Is aon nì e: uime sin thubhairt mi, Am foirfe agus an t‑aingidh tha e a’ sgrios.

Iob 9:24

Thugadh an talamh ann an làimh an aingidh: aghaidhean a bhritheamhan còmhdaichidh e: mura dèan e mar seo, càite, cò esan a nì?

Salm 100:3

Biodh fhios agaibh gur e an Tighearna as Dia ann; is e a rinn sinn, agus cha sinn fhèin; is sinn a shluagh, agus caoraich a ionaltraidh-san.

Salm 138:8

Coileanaidh an Tighearna air mo shon; mairidh do thròcair, a Thighearna, gu bràth; na trèig obraichean do làmh.

Salm 69:33

Oir èisdidh an Tighearna ri bochdan, agus cha dèan e tàir air a phrìosanaich.

Isaiah 64:8

Ach a‑nis, O Thighearna, is tusa ar n‑Athair; is sinne a’ chriadh, agus is tusa ar fear-deilbh; agus is sinne uile obair do làimhe.

1 Peadar 4:19

Uime sin, an dream a dh’fhuilingeas a rèir toil Dhè, earbadh iad an anaman ris-san ann an dèanamh maith, mar ri Cruithear dìleas.