Iob 10:16

Am Bìoball Gàidhlig 1992

Oir tha e a’ meudachadh; mar leòmhann garg tha thu a’ sealg orm: agus a‑rìs tha thu gad nochdadh fhèin iongantach orm.

Iomraidhean Croise

Iob 13:24

Carson a tha thu a’ falach do ghnùise, agus gam mheas mar nàmhaid dhut?

Iob 16:9

Reub a chorraich mi, agus tha fuath aige dhomh: chas e a fhiaclan rium; tha mo nàmhaid a’ geurachadh a shùl orm.

Iob 5:9

A tha a’ dèanamh nithean mòra agus do‑rannsachaidh; nithean iongantach gun àireamh:

Isaiah 38:13

Shaoil mi, gus a’ mhadainn, gum briseadh e, mar leòmhann, mo chnàmhan uile; o là eadhon gu oidhche tha thu a’ cur as dhomh.

Ieremiah 5:6

Uime sin nì leòmhann as a’ choille an sgrios, nì madadh-allaidh an fhàsaich am milleadh; nì liopard faire os cionn am bailtean: gach aon a thèid a‑mach asda reubar e na bhloighdean; a chionn gu bheil an lochdan lìonmhor, an cùl-sleamhnachadh minig.

Tuireadh Ieremiah 3:10

Mar mhath-ghamhainn a’ laighe am falach bha e dhomh, mar leòmhann ann an ionadan uaigneach.

Hosèa 5:14

Gu deimhinn bidh mise mar leòmhann do Ephraim, agus mar leòmhann òg do thaigh Iùdah: reubaidh mise, eadhon mise fhèin, agus imichidh mi romham; bheir mi leam, agus cha bhi aon neach ann a thèarnas.

Amos 3:8

Bheuc an leòmhann; cò air nach bi eagal? Labhair an Tighearna Iehòbhah, cò nach dèanadh fàistneachd?

Deuteronomi 28:59

An sin nì an Tighearna do phlàighean iongantach, agus plàighean do shliochd, eadhon plàighean mòra agus maireannach, agus eucailean cràiteach agus fadalach.