Iob 1:13

Am Bìoball Gàidhlig 1992

Agus bha là air an robh a mhic agus a nigheanan ag ithe agus ag òl fìona ann an taigh am bràthar a bu shine:

Iomraidhean Croise

Iob 1:12

Agus thubhairt an Tighearna ri Sàtan, Feuch, tha gach nì a tha aige ad làimh-sa: a‑mhàin air fhèin na cuir do làmh. Agus chaidh Sàtan a‑mach o làthair an Tighearna.

Iob 1:14

Agus thàinig teachdaire gu Iob, agus thubhairt e, Bha na daimh ag àr, agus na h‑asail ag ionaltradh làimh riu;

Iob 1:4

Agus chaidh a mhic agus rinn iad cuirm aig an taigh, gach fear air a là fhèin; agus chuir iad fios, agus thug iad cuireadh dan trì peathraichean a dh’ithe agus a dh’òl maille riu.

Gnàth-fhacal 27:1

Na dèan uaill a‑thaobh an là màireach; oir chan eil fhios agad ciod a bheir là uaithe.

Eclesiastes 9:12

Oir gu deimhinn chan eil fhios aig duine air a àm fhèin: mar iasg a ghlacar ann an droch lìon, agus mar eòin a ghlacar ann an ribe, is ann mar sin a ribear clann nan daoine ann an droch àm, nuair a thuiteas e orra gu h‑obann.

Lùcas 21:34

Agus thugaibh an aire dhuibh fhèin, air eagal uair air bith gum bi ur cridhe fo uallach le geòcaireachd, agus le misg, agus le ro‑chùram mu nithean na beatha seo, agus gun tig an là sin oirbh gu h‑obann.