Ieremiah 43:7

Am Bìoball Gàidhlig 1992

Agus dh’imich iad gu tìr na h‑Eiphit; oir cha tug iad gèill do ghuth an Tighearna; agus thàinig iad eadhon gu Tahpanes.

Iomraidhean Croise

Ieremiah 44:1

Am facal a thàinig gu Ieremiah mu thimcheall nan uile Iùdhach a tha a chòmhnaidh ann am fearann na h‑Eiphit, a tha a chòmhnaidh aig Migdol, agus aig Tahpanes, agus aig Noph, agus ann an dùthaich Phatrois, ag ràdh,

Ieremiah 2:16

Nì clann Noiph agus Tahpaneis mar an ceudna mullach do chinn a bhriseadh.

Ieremiah 46:14

Foillsichibh anns an Eiphit, agus cuiribh an cèill ann am Migdol; innsibh fòs ann an Noph, agus ann an Tahpanes abraibh: Seas daingeann, agus deasaich thu fhèin; oir shluig an claidheamh a’ mhuinntir a tha mun cuairt dhut.

Isaiah 30:4

Oir bha a cheannardan aig Sòan, agus thàinig a theachdairean gu Hanes.

Eseciel 30:18

Ann an Tahapanes fòs bidh an là dorcha, nuair bhriseas mise an sin cuing na h‑Eiphit: agus sguiridh mòrchuis a neirt innte: seadh, falaichidh neul i, agus thèid a nigheanan air falbh ann am braighdeanas.

2 Eachdraidh 25:16

Agus nuair a bha e a’ labhairt ris, fhreagair esan e, An do rinneadh thusa ad chomhairliche don rìgh? Leig dhìot; carson a bhiodh tu air do bhualadh? Agus leig am fàidh dheth, agus thubhairt e, Tha fhios agam gun do shònraich Dia air do sgrios, a chionn gun do rinn thu seo agus nach d’èisd thu rim chomhairle-sa.

Isaiah 30:2

A tha ag imeachd gu dol sìos don Eiphit, ach nach d’fhiosraich dhìomsa; a‑chum iad fhèin a neartachadh le neart Phàraoh, agus a dhèanamh buin à sgàil na h‑Eiphit.

Ieremiah 44:24

Os bàrr, thubhairt Ieremiah ris an t‑sluagh uile, agus ris na mnathan uile, Eisdibh facal an Tighearna, uile Iùdah a tha an tìr na h‑Eiphit;

2 Rìgh 25:26

Agus dh’èirich an sluagh uile eadar bheag agus mhòr, agus ceannardan nan armailt, agus thàinig iad don Eiphit: oir bha eagal nan Caldèanach orra.

Ieremiah 41:17

Agus dh’imich iad, agus ghabh iad còmhnaidh ann an aitreabh Chimhaim, a tha làimh ri Betlehem, a‑chum falbh gu dol a‑steach don Eiphit, à fianais nan Caldèanach:

Ieremiah 42:21

Agus dh’innis mise dhuibh air an là‑an‑diugh, ach cha tug sibhse gèill do ghuth an Tighearna ur Dia, no do aon nì airson an do chuir e mise dur n‑ionnsaigh.